صفر ابو منصور جت يدحم طابورها ,, سعد سلطان المطيري ,,

صفر ابو منصور جت يدحم طابورها .. علم اللي يضرب الارض لايكسر عصاه
اكتحل ياخصمها صف يا جمهورها .. حكموا ياهل النظر صوريها يا قناة
جات صفرن كن لون الذهب بنحورها .. والسبال ملاعبيه تقل قصة فتاه
كن اذانيها تحيي سناد ظهورها .. والخشوم سيوف شوخ على رقاب العصاه
لاذعرها الصوت صبحن على مقصورها .. كزة اللي حاز والا موحاله وراه
من بنات الهرش عبدان يعرف ذورها .. ميزة فيها وفيها الطرب للي بغاه
شوف طلابه ليا درهمت من جورها .. لدت عيون العيوف وذعر عين المهاه
مختلط بين الزعل والرضا منظورها .. عنفوانية مزاج وتثير الانتباه
صفر حمران النواظر ليا جا دورها .. تغتنم نصف الروابع من الروس الثقاه
تطحن منها الاعادي وتفرق زورها .. ماقوتها بالمهند ولا دفع الجناه !
احتميناها من القوم يوم عصورها .. ونومستنا في المزاين واخذنا اللي نباه
حقنا دايم ذلول العقيد بكورها .. من قديم الوقت واليوم مايشره علاه
من يعاندها يجي يحتزم لحضورها .. والوعد قدم المنصة فقر والا غناه

للشاعر سعد سلطان الرخيمي المطيري ,,