مخصوص لك يالي على الذل منشاك .؟؟؟؟؟؟؟؟؟؟

بديت قولي حامد الرب وادعيه
تغفر لذي بعد المناصيف يرجاك .
. بكتب كلامي ياعسى الكل يوعيه
مخصوص لك يالي على الذل منشاك .
. اليوم بوصف طبعك الشين وابديه
طبع المذله والمحاقير تغشاك .
. حلق الدقون ان كنت رجال ياهيه
وين المراجل من طباعك وشرواك .
. اوزن هروج الحكي من قبل تحكيه
ياشين منطوقك ويامشين احكاك .
. لا تحسب اني للردى يوم ادانيه
عزاه حاله من تغوى وداناك .
. انا شموخ المجد والعز اماشيه
مانا من الي يطرد اليوم ممشاك .
. لامن طريت الذل هلت طواريه
قطع اللسان ان كان بالعز طرياك .
. ياسعد حضه من نويت انت تجفيه
والربح له لامن نوى اليوم جفاك .
. من يعرفك انا اشهد ان العنا فيه
مسكين من جارت دروبه وخاواك .
. من يحسب ان القوم بالحيل تغليه
غلطان والله كل ذا القوم تشناك .
. الله يعين الي تبلى بلاويه
والله يعينك لا غدا الذل بلواك

نقلت لكم هذه القصيده
لست من كتبهاولكنها لامست احساسي
تحياتي/
تعاند من يعاندها