ترى الطيب ينومس بالافعال

ايها الاخوه هذا ردي على
ابو عمر بقصيدته ياغازي التطنــيـــش يثــّر على الحال
ارجو أن تنال إعجابكم وإستحسانكم وتليق بمقام أبو عمر

القصـــــــــــيـــــــده :-

حي الجواب وحي من صاغ الأمثال=إعداد رشٍ من مزونٍ مراهيش
وإعداد من عدّى على روس الاقذال=وعدة طيورٍ بالهوى تنفض الريش
حيّه رفيق ولو شكى فعل الأنذال=يابو عمر لو يفعل النذل حتيش
خايب ويركض له رفيقه بالأقوال=يمجّده بالقول والفعل مافيش
ومن صد حده يابن عمّي على الجال=منته بحال أنذال ولا دراويش
ارفع مقامك عن خبيثين الاعمال=مانته مراهق بأول العمر والطيش
والطيّب افطن له وخله على البال=وادمح له الزلات من دون تفتيش
وإعرف ترى الطيّب ينومس بالأفعال=لوهو رقيق الحال كـنــّــه معه جيش
هــــذا جوابي وانت ياطيــّب الفـال=راعي تجـــارب بالبلد والمطاريش

وسلامتـــــــــــــــــــ ــــــــكــــــــــــــــ ـــم

الآن تتضح المعاني .. ونفهم المجال ..

وتكتمل الصور الرائعة .


التي بدأت من أبوعمر وانتهت عند أبوفيصل .

شاعرين مبدعين .

وصحت بجزالة الشعر معانيك .. أخي الشاعر القدير / أبوفيصل .

تحيتي وتقديري .

احسنت يابافيصل
وصح السانك
تحياتي

نمر المجالس
،،،
الشاعر القدير والصديق الغالي
غازي بن عجاب ابو زوايد
،،،
كان الاسناد قويا وكان الرد كافيا وافيا
قصيدة وضعت النقاط على الحروف كما هي عادة ابو فيصل
صح لسانك وعلا شانك
لاعدمتك
...........

صح لسانك يابو فيصل

دام تواجدك المميز

تحيتي وتقديري لك

صح السانك على القصيدة الجزلة
رد وافي من شاعر وافي صح الله السانك والسان ابو عمــــر
تقبل مروري لكما
بنتظار جديدكم

هلا وغلا ابافيصل ذخري وسندي ورجل المواقف الصعبه

رد يثلج الصدر وبيض الله وجهك وعساك ذخر لي

عساك بالوجود وطيب وبخير

صح الله لسانك وبدنك ولك مني حبة خشم

والف شكر على التفاعل والرد السريع

صح لسانك ابو فيصل
وافيه من راس ٍ وافي
اسناد رائع ورد كافي وشافي
صحت الالسن لاعدمناكم

استاذنا القدير ابو فيصل

صح لسانك واعتلا شانك

قصيده جزله من شاعر جزل

لا عدمناك

تقبل فائق تقديري ...

أشهـد انك ســـــــــــــــند وبقصيدتك مسند
صح لسانك ابو فيصل وسلم رأسك
تقبل مروري