الشمالي ضاق صدره وانتهى صبر الحجازي

قصيدة:الشاعر والاعلامي القدير *رشـــيد الفريدي (سكة الاعذار)

سكـة الاعـذار طالـت والخـطـا كـثـر احتمـالـه الشمالي ضـاق صـدره وانتهـى صبـر الحجـازي

لامتى نقول الخطاء مسمـوح والدعـوى سهالـه لامتـى نجامـل ونشكـر كـل مخطـي وانتهـازي

ايــه غلـطـه واعتبـرهـا مهـزلـه واكـبـر نـذالــه كـل ماقلـنـا نتـأهـل صــارت الفـرحـه تـعـازي

منتخـبـنـا بالـهـزايـم ضـيــع لـجـهــده ومــالــه خيـب آمـال الجميـع وفـشـل الـنـاس الـعـزازي

كل مخلص للوطن معـذور لـو هـو ضـاق بالـه ويـن تطبيـل الرئيـس وطهبلـة مهـدي خــرازي

مــن تـحـدى للـرجـال ولا وفــاء عــزي لحـالـه ومن جهل فن الصقاره خاب من صيد الجوازي

ومن نـوى كسـب المعالـي مايعـرف الاستحالـه يحذر اسباب السقـوط ويعتلـي روس النـوازي

الـولاء روح الرياضـه والعتـاب اسـمـى رسـالـه والشماتـه عنصـريـه نابـعـه مــن فـكـر نــازي

والتجـاهـل للعـقـول التـافـهـه مـاهــو جـهـالـه والتـقـاطـع بالمـصـالـح مـايـشـابـه لـلـتــوازي

انتهـى دور الـكـلام وكــل مـوقـف لــه رجـالـه صاحـب العـزم الحقيقـي مايـقـارن بالمـجـازي

حـالـة الدنـيـا كــذا ٠٠دوراتـهـا مـثـل المحـالـه تنجـرح فيهـا القلـوب وتنكـسـر مـثـل الـقـزازي

منتـخـبـنـا لـوخـذلـنـا مـالـنــا خــيــار بــدالـــه والوطن لو شان جوه ساس فخري واعتـزازي

(رشيد الفريدي)

تسلم اباصالح على النقل وصح لسان الشاعر رشيد الفريدي

جهودك مميزه رغم غيابك أيام

معذور ربيع وطلعات تقبل مروري وتعليقي

ابو صالح
بيض الله وجهك على الاضافه الجزله
صح لسان الشاعر الكبير ابوعبدالاله عودنا على الابداع
لاعدمناكم

صحت معاني الشاعر القدير / أبوعبدالإله .

وسلمت مراقبنا المتميز / أبوصالح على روعة النقل والاختيار .

تحيتي وتقديري .

لاهنت بن مطيع على النقل والنشر
وصح لسان الشاعر والاعلامي القديراباعبدالاله
قصيده جزله من شاعر جزل اشكرك مره ثانيه على النشر
تحيتي

والوطن لوشان جوه ساس فخري واعتزازي

صح السان شاعرنا
اباعبدالاله
وتسلم يمينك
يامشعل المجالس

مشعل المجالس دام وجودك وتألقك
صح لسان شاعر الابداع اعلامينا الكبير ابا عبدالاله
قصيدة وبوح صادق يخالج قلب كل سعودي رياضي
هي مشاعر صادقة جمعت حب الوطن وعتاب لمن غابت وطنيته
تقبل وافر التقدير ابا صالح لاهنت

مشاعر وطنية صادقة خالطها الالم والحسرة
عبر ابو عبد الاله عن جميع محبي الرياضة
لكن يا اخوان برأيي ان الشباب بذلوا جهدهم ولا قصروا لكن مافيه حظ
لايمكن ان نطلب منهم المستحيل والنتائح احيانا تاتي على غير المتوقع
رفقا بشبابكم والجاي احسن ان شاء الله
صح لسانك ابو عبدالاله وسلمت يمينك ابا صالح على النقل
لاعدمتكم
..........

صح لسان الشاعر رشيد على هذه القصيده الجزله كاعادته

الجزاله ونقول لمنتخبنا حظ أوفرلو رددناها كثير دون جدواء؟ شكراً ابوصالح على الاضافه

أخونا أبوصالح لاهنت على الاضافه/وصح لسان شاعرنا الاعلامي أبوعبدالأله.وعسى العوض بالمقبلات . تقبلوا مروري