الشمالي ضاق صدره وانتهى صبر الحجازي

قصيدة:الشاعر والاعلامي القدير *رشـــيد الفريدي (سكة الاعذار)


سكة الاعذار طالت والخطا كثر احتماله=
الشمالي ضاق صدره وانتهى صبر الحجازي

لامتى نقول الخطاء مسموح والدعوى سهاله=
لامتى نجامل ونشكر كل مخطي وانتهازي

ايه غلطه واعتبرها مهزله واكبر نذاله
=كل ماقلنا نتأهل صارت الفرحه تعازي

منتخبنا بالهزايم ضيع لجهده وماله
=خيب آمال الجميع وفشل الناس العزازي

كل مخلص للوطن معذور لو هو ضاق باله
=وين تطبيل الرئيس وطهبلة مهدي خرازي

من تحدى للرجال ولا وفاء عزي لحاله=
ومن جهل فن الصقاره خاب من صيد الجوازي

ومن نوى كسب المعالي مايعرف الاستحاله=
يحذر اسباب السقوط ويعتلي روس النوازي

الولاء روح الرياضه والعتاب اسمى رساله
=والشماته عنصريه نابعه من فكر نازي

والتجاهل للعقول التافهه ماهو جهاله
=والتقاطع بالمصالح مايشابه للتوازي

انتهى دور الكلام وكل موقف له رجاله
=صاحب العزم الحقيقي مايقارن بالمجازي

حالة الدنيا كذا ٠٠دوراتها مثل المحاله
=تنجرح فيها القلوب وتنكسر مثل القزازي
منتخبنا لوخذلنا مالنا خيار بداله=
والوطن لو شان جوه ساس فخري واعتزازي


(رشيد الفريدي)

تسلم اباصالح على النقل وصح لسان الشاعر رشيد الفريدي

جهودك مميزه رغم غيابك أيام

معذور ربيع وطلعات تقبل مروري وتعليقي

ابو صالح
بيض الله وجهك على الاضافه الجزله
صح لسان الشاعر الكبير ابوعبدالاله عودنا على الابداع
لاعدمناكم

صحت معاني الشاعر القدير / أبوعبدالإله .

وسلمت مراقبنا المتميز / أبوصالح على روعة النقل والاختيار .

تحيتي وتقديري .

لاهنت بن مطيع على النقل والنشر
وصح لسان الشاعر والاعلامي القديراباعبدالاله
قصيده جزله من شاعر جزل اشكرك مره ثانيه على النشر
تحيتي

والوطن لوشان جوه ساس فخري واعتزازي

صح السان شاعرنا
اباعبدالاله
وتسلم يمينك
يامشعل المجالس

مشعل المجالس دام وجودك وتألقك
صح لسان شاعر الابداع اعلامينا الكبير ابا عبدالاله
قصيدة وبوح صادق يخالج قلب كل سعودي رياضي
هي مشاعر صادقة جمعت حب الوطن وعتاب لمن غابت وطنيته
تقبل وافر التقدير ابا صالح لاهنت

مشاعر وطنية صادقة خالطها الالم والحسرة
عبر ابو عبد الاله عن جميع محبي الرياضة
لكن يا اخوان برأيي ان الشباب بذلوا جهدهم ولا قصروا لكن مافيه حظ
لايمكن ان نطلب منهم المستحيل والنتائح احيانا تاتي على غير المتوقع
رفقا بشبابكم والجاي احسن ان شاء الله
صح لسانك ابو عبدالاله وسلمت يمينك ابا صالح على النقل
لاعدمتكم
..........

صح لسان الشاعر رشيد على هذه القصيده الجزله كاعادته

الجزاله ونقول لمنتخبنا حظ أوفرلو رددناها كثير دون جدواء؟ شكراً ابوصالح على الاضافه

أخونا أبوصالح لاهنت على الاضافه/وصح لسان شاعرنا الاعلامي أبوعبدالأله.وعسى العوض بالمقبلات . تقبلوا مروري