دوحة الحمـّاد .....

بسم الله الرحمن الرحيم
بدعوة من اخي الحبيب الشيخ / هادي بن محمد بن سلطان بن حماد
رئيس مركز النقره كان لي شرف حضور زواج اخي الشيخ النقيب / ذعار بن محمد بن سلطان
على كريمة الغالي الشيخ / نجا بن بشيبش بن حماد "ابو فهد" كما كان لي شرف
القاء هذه الكلمات المتواضعه في ذلك الحفل المهيب الذي اقيم في قصر كريستال ببريده في
شهر ذي القعدة 1432هـ ....

الدوحه اللي قراح الطيـب يسقيهـاوفروعـهـا كنـهـا نـجـومٍ سمـاويـه

شموخهـا دايــم وتفـخـر بماضيـهـاالماضـي الـلـي اساسـاتـه وراثـيـه

فـي ظلهـا يستظـل اللـي حواليهـاومن دونها رمـاح وسيـوفٍ يمانيـه

ثباتهـا مـن ثـبـات اخصالـهـا فيـهـاصاف الذهب ماهو بضاعه تجاريـه

والـيـوم هــادي يذكـرنـا بهـاديـهـا*شيخٍ مازالـت علومـه جـذوةٍ حيـه

لـه دعــوةٍ مــن غـلاهـا مانعديـهـاماياسـع العـذر للـروس الفريـديـه

وياذعـار مـبـروك باولـهـا وتاليـهـاعسى شموع الفرح ماينطفي ضيه

كسبت لك مهرةٍ مـن راس قانيهـاابـو فهـد طيّـبٍ والمـهـره اصلـيـه

مشاعرٍ مـن غـلاك ارسـم معانيهـاعلـى النقـا والوفـا والحـب مبنيـه

حـضـرت اهنـيـك والـلابـه اهنـيـهـاواهـنـي شيوخـنـا واقــول منقـيـه

وختامهـا المسـك والعنبـر وكاديهـاوالورد واغلى العطورات الفرنسيه

* يقصدالشاعر هنا المرحوم الشيخ " هادي ابا البرَّد" من اشهر شيوخ الحماد

وافيه من راسٍ وافي
والوفا طبعك ومنهاجك لاعدمناك
يستاهلون شيوخنا الحماد دام عزهم لاهنت ياغالي

مبدعٌ دائما أبوعبدالعزيز ..

ولنا العتب في تأخر النشر لهذه الدرة أو الدوحة .

أبيات حماسية والحماد يستاهلون .

وصحت معانيك ومباديك .

تحيتي وتقديري .

اخوى الكبير بقدره
خلف بن محمد بن عتاق الفريد
صح لسانك يالبناخي ويستاهلون الحماد الحظور
والمدح وانت راعي الواجب وافي دائماً وابداً صح لسانك
ولاهنت ومشكور على الاضافه الرائعه
تحيتي

اخوي ابا عبد العزيز


صح لسانك وعلى شانك ومشكور على حضورك ومشاركاتك


في جميع مناسبات القبيله لتي تسموا بمشاركاتك الطيبه

ولحماد شيوخنا و يستاهلون وحقهم علينا كبير

لك مني كل تقدير ودمت

اباعبد العزيز
وافي ورئيتك عاليه دايم
بالصداره والحماد
يستاهلون
تحياتي

ابوعبدالعزيز / صح لسانك ونعم بالمادح والممدوح . وشيوخنا يستاهلون .

صح لسانك يابو عبدالعزيز

والجزاله ليست بغريبه عليك
فبينك وبينها مواثيق وعلاقه وطيده
تكتب حروفها بماء الذهب لمن هم اهلٌ لها

لا عدمناك

تقبل فائق تقديري

صح لسانك يا صاحب الوفاء يا عندليب المجالس على هذه الرائعة

ويستاهل المادح والممدوح

احبتي الكرام
ابو حمد ، ابو عبد السلام ، ابو فيصل ،ابو ناصر
ابو فهد ، ابو فايز ، ابو حمود ، ابو عبد الملك

تعجز الكلمات عن الرد على مروركم العطر ومشاعركم الكريمه
اشكركم على كل كلمه وعلى هذه الثقة الكبيره باخيكم
ولم نفعل الا الواجب ولم نقل الا الصحيح بشيوخنا الكرام
صحت المشاعر والابدان
لاعدمتكم
.........