مساجلة شعرية جميلة بين العياضي والشاعر دخين الفريدي

هذه مساجلة شعريه بين شاعرين كبيرين هما :

الشاعر : مقعد بن محمد العياضي

الشاعر : دخين بن رغيان الفريدي

احببت ان اتحفكم بها وهي مساجلة جميلة جدا

فيها من معالم الرجولة والعلم الغانم الشيء الكثير

وقد بدئها الشاعر : مقعد محمد العياضي حيث قال :

النمره الشاغره يادخين جهزهـا=واليانويت السفر فاحسب لي احسابي
وماتطلبه عملة الرجال جهزهــا= اطعن فجوج الخلا يادخين لاتهابي
اطعن فجوج الخلا بالجيب واهزهـا =يازين فوقه مزوح ربعن احبابي
وحواسك الخمس والافكار ركزهـا =بالدرب خلك نبية لكل الالبابي
والذاهبه قدم خشم الجيب نقزهــا= وانهم عليها رجالٍ مابهم هابي
انهم رجالٍ تسابق في تهاوزهـا= كلن يبا الطيب ماله عنه مجنابي
واشفق على رفقة الطيب وعززهـا= اشفق على رفقته في كل الاوجابي
دنياك يادخين يامكثر عوايزهـا =على الذي دار بامره كل الاسبابي
والطرق للمنتبه يادخين ماعوزهـا= اذهن قنوص الخلا اللي توثب اوثابي
ودنياك محدٍ سوى الخالق معجزهـا= هو الذي حط فيها الطامن النابي
والنفس لاتطيعها يكثر تنفرزهـــا= ان شفت ماشفت دور عنه مجنابي
تجارب الوقت تكفي من يميزهــا=منها اعتبر ماجرى ياعرب الانسابي
واقبل تحيات فكري من مواجزهــا= وصلو على اللي ختم في دين الاعرابي

فرد الشاعر (((دخين رغيان الفريدي)))
قائلا :

حي المثايل وحـي اللـي مهندزهـا=مالاح برق الوسـوم ونـاح رعابـي
في روس دوحٍ هوى الغربي يهزهزها=مع غيبت الشمس والا قدم الاغرابي
تحيةٍ من صميـم الجـاش مركزهـا=باللـي يزكـن عليّـه ويتعـزوابـي
(مقعد) عشير الزحول اللي مراكزهـا=فوق الثريـا الياجـا حـزم كلابـي
علومٍ يجهـر بهـا وعلـوم يكنزهـا=دكتـور معنـى وقافيـه وهنـدابـي
الياطب في سوقها ينقـى غزايزهـا=ماجابهـا بيـن سلبـيٍ نوب وإيجـابـي
والنمـرة الشاغـرة للـي مراوزهـا=ماهـي بلك ياذرى تلعـات الأرقابـي
يالي تهجا الحروف ونوب تنقزها=أنتـه تقـود الغزيـه يـم الأجنابـي
تكسب وتقهر غنايمهـا وتفرزهـا=وأنا على مثل هالسجة على أعصابي
طرق ملابسك في صفنتك وأنبزهـا=نبي لنا اسبوع بين احلـي واللّيابـي
نبي من أمتونهـا ناخـذ خرايزها=أنته وأنا فـي تـوال العمـر شيابـي
الجيـب ماجـود والعزبـة متكزهـا=وأبو شنب لانهمته يرعـب أرعابـي
ماهـو بخجمىً أدريولها يهمزهـا=سواقهـا لانـوى المقنـاص ضبابـي
الليا نخنق صوتهـا باثنيـن يلكزهـا=قامت تذلهـب لهـا كبـده تذلهابـي
ولا إ ليا دقـرت حـاول يـلاوزهـا=ينبث ويردم تحتهـا قشـع واترابـي
والواثب اللـي عبـاد الله مباهزهـا=شكله مخيف وخبيث أطبوع وارهابي
سوه على اللي مصلحتـه مواعزهـ=اماله سوى النار من عكفان الاشنابي

ـــــــــــــــــــــــــ ـــــــــــــــــــــــــ ـــــــــــــــــــــ

احبتي لايسعني هنا الا ان اشكر الشاعر الكبير دخين الفريدي

والشكر موصول لابن راشد الذي نبهني على بعض الاخطاء

وارسل لي القصيدة كاملة بعد تصحيحها فله وافر المحبة والتقدير

بسم الله

مساجلة جميله ورائعه بين شاعرين من اهل العلم الغانم

شعر واخوه ورجوله ورفقة على الطيب والمقناص وعلوم الرجال

تماما مثل صفات ناقلها

الاختيار يمثل المزاج

هذا طبعك ابو محمد لاهنت

ما عليك زود يالفري

اطلالتك اضفت جمال على الموضوع

لك وافر المحبة يبو عبدالعزيز

أخوي الغالي منصور الوسوس


بيض الله وجهك



لنقلك لهذه المساجلة الرائعة


بين الشاعرين دخين الفريدي ومقعد العياضي



وقد سمعت هذه المساجلة مراراً من الشاعر دخين عندما تطلب منه ..


أذكر سالفة القصيدة .. ومناسبتها ..


كان يرافق الشاعر دخين الفريدي ابن الشاعر مقعد العياضي ( عبدالرحمن ) الله يرحمه الله .. في رحلة القنص للحرة دائماً .. وكان عبدالرحمن شخصاً محبوباً لدى من عرفوه ولكن المنية خطفته وهو في العشرينات من عمره .. وفي إحدى المرات قال لبو علي ترى في المرة الجاية يبي يروح معكم أبوي مقعد بدلا مني .. بعدها بأيام أرسل مقعد هذه القصيدة للشاعر دخين ثم رد عليها بقصيدته ..

لك الشكر الجزيل أخوي منصور ..
ابن راشد

والواثب اللـي عبـاد الله مباهزهـا=شكله مخيف وخبيث طبوع وارهابي

أحسنت الإختيار ابو محمد

قصائد غاية في الروعة وقمة في التعبير

فلك الشكر والتقدير

ولا يهون ابو وليد على تتمة الموضوع بشرح المناسبة.


دمتما ذخراً لمجالسكما

اخي ابو محمد ( منصور الوسوس )

الف شكر لهذا الإبداع الرائع وليس بغريب عليك الابداع ابدآ

مساجلة جميلة ورائعه بكل مافيها


تقبل خالص ودي

أخوي منصور بيض الله وجهك على هذه المساجلة ...دمت بود

ابن راشد

توضيح رائع جدا وتعليق جميل زاد القصيدة جمالا

حياك ربي



ابن غنام لاهنت اشادة جميلة


ابوتركي حياك ربي اسعدني مرورك اقبل ازكى تحية

منصور الوسوس

ابو العز

مشكور على مرورك ودمت لنا