مساجلة بين اربع من شعراء المجالس

اليكم قصائد العمالقة لقد ابدعو واجادو وصحت اللسنتهم
وصفقت الايادي اعجاباً بهم وبي قصائدهم التي تجبر متذوقي الشعر
على المتابعه لجديدهم
ونبداَ بقصيدة من بداء في القصيدة
القصيدة الاولى قصيدة الشاعر على محمد الجضعان

وين الفريد وين غازي ونواف=أهل البيوت النادرات الطرايف
أنتم هل الميقاف في كل مشراف=ياعزمن جاكم من الخصم خايف
لوشفتوا اللي قاله اليوم عساف=ساعة سمعت الهرج رجعت عايف
أخاف من هجمه يجي عقبها أهداف=تشكيلتي ياجورج ماهم ولايف
من عاند الأيام ترجع به خلاف=أتق شر اللي يجيد الوصايف
والعلم مايعرض على كل عراف=ولاكل رجالٍ (ن) يحب الكلايف
ولاتحسبني جاهلٍ(ن)بعض الأعراف=ماغيب أنا على طول لايف
وأن كانها خربت فنا أقول نواف=نواف يانواف ويش أنت شايف
,,,,,,,,

رد الشاعر القدير خلف عتاق الفريد

عـنـدك وانـــا خلـفـيـن!! مـانــي بـخــواف=ولانـــي مـــن الــلــي لانـخـيـتـه يـسـايــف
هــــي عـنــدنــا والا ورا حـــــيّ زنــعـــاف؟=بـاذن الولـي مايصـيـر عـنـدك حسـايـف
انــــا وابــــو فـيـصــل بدلـيـاتـنـا اســـــراف=ونـــــواف مـــــن ربـــــعٍ تــســـل الـرهــايــف
جتك الجيوش اللي لها صوت واوجاف=مـافـيــهــن الـــلـــي مـاعـلـيــهــا ردايـــــــف
وكـان انـهـا سيـاسـه لـنـا خـيـر ميـقـاف=وابـــشـــر بـــــــرايٍ مــاتــهـــزه عــصــايـــف
وكــان انـهـا صــارت مجامـيـع واحــلاف=عــاداتــنـــا هـــــــدّ الــجــمـــوع الــكــلايـــف
هـــــذا جــوابـــي لــــــو (تـنـقّـيـت)نــواف!!=وعسـى القضيـه يابـن عمـي خفـايـف!!
,,,,,,,,

رد الشاعر القدير غازي ابو زوايد

حـيـيــت يــامــن يـشـتـكــي لـــــي ولـــــو شـــــاف=شـــــــيء غـــبــــن قــلــبـــه وشـــــــاف الــكـــلايـــف
لانــــــيـــــــب لاكــــــاهـــــــن ولانــــــيـــــــب عــــــــــــــرّاف=ولاقــــال لــــي وش شــــاف فــــوق الـمـهـايــف
إن كــانّـــه يـشــكــي مــــــن الـــحـــب غـــريـــاف=الـــــــوقــــــــت صــــــــيّــــــــوره يــــــــفــــــــرّق ولايــــــــــــــــف
حــتــى لــــو إنــــه بـالـهــوى يــشــك ألإســـــراف=وحـــتـــى لــــــو إنــــــه عـــايـــشٍ وقــــــت كـــايـــف
وإن كــان هـــو مـضـهـود لـلـوضـع مـيـقـاف=لـــــوهـــــي كـــبـــيــــره عـــــنـــــد ربـــــعـــــه خـــفـــايــــف
لاعاش من يرضى لك الضيم وإجحاف=خـــذهــــا قــرنــتـــي خـــــــل عــــنــــك الــمــســايــف
حـنــا هـــل المـيـقـاف مـــن عـهــد الاســـلاف=وحـــنــــا الـــلــــذي نـــــــروي حـــــــدود الــرهــايـــف
,,,,,,,,

رد الشاعر القدير نواف فارع

على الرومانسية نبي نبتدي قاف=ونبدع من اسلوب المعاني لطايف
وناخذ مع السجّات جوله ومهياف=ونسمع صدى صوت الطواريق كايف
خذني يمينك يا صدى صوت الاسلاف=وضع الهوى دايم سلومه نكايف
وقلب العنى مع الصواديف ميلاف=ويزود همّه مع عروس المصايف
ويسرح مع الهاجوس لاشاف غرياف=من ضمن وصف الزاكيات العفايف
لكن نبي نسعى مع الناس الاشراف=ونبذل جهود ونستهين الكلايف
لو الليالي سيرهن صعب وعجاف=واقفن ,, سوات ملافحات السفايف

صحت الالسن لاعدمناهم

صحت السنهم جميع صراحه بختصار

مساجله من العيار الثقيل

شكراً اخي ابن مطيع على الاضافه

أخوي الغالي مشعل بن صالح بن مطيع

الله لايحرمنا من تواجد وحرصك الدائم


على علوم ربعك ومتابعتك لجديده وهذا

الجهد تعجز الأقلام عن تسطير مجهود

بحجم مجهود كل يوم تجود بجديد

مشعلنا الغالي كم أكن لك من موده

وتقدير أجمل التحايا والموده

لااهنت يامشعل
يانبراس المجلس
طبت وطاب اختيارك

ابن مطيع صح لسانك وصح لسان شعراء الرباعيه .
ابداع في منتهى الروعة من الجميع .تقبلوا مروري

بيض الله وجيهكم على المرور الرائع
مروركم شرفاً لكم

صح الله السنتهم جميعا ابداع لاكن بدون مواخذه نواف يغرد خااااااااااااارج السرب

مشعل انت مبدع بمعنى الكلمه بالنقل او الإبداع لاتاتي الا بالإمتاع
ذوق رفيع وصحة اللسنهم جميعاً شعراء لهم ثقلهم وكلمتهم في مجالسنا مجالس الشموخ
لك اجمل تحيه مشعلنا