قالوا حكوا بك قلت وش هم يقولون ,,

قالوا حكوا بك قلت وش هم يقولون=وش قيل فينا يالوجيه الفليحه
شوفوا مردُ الهرج وش هم يطرون=حتى نعرف مزوره من صحيحه
كان الكلام من المعادي على هون=بعض المسبه بالمجالس مديحه
تجيه عربانٍ من الله يخافون=عن الظليمه ينصحونه نصيحه
لو كل خلق الله على الحق يمشون=كان القلوب من الخطا مستريحه
كم واحدٍ بعروض الأجواد مفتون=وهو سلومه يفضحنه فضحيه
وكم واحدٍ يطعن وهو فيه مطعون=يذم ريح الناس والشين ريحه
بعض كلام الناس تهمات وضنون=قولٍ تنميه الوجيه الوقيحه
الظلم لو فازوا هله ما يدومون=راع الظليمه لاتباطى مطيحه
والناس هذا الناس من عصر ذالنون=وكلن على دربه ركابه مشيحه
مقرود يامن بدل اللون باللون=بعض الكلام يحرفه عن صحيحه
والصدق هو والكذب ماهو بمقرون=كان إنها تدرس بلهجه فصيحه
مايمدح الرجال بالشكل واللون=إبحث معه لينك تعرف القريحه
تراك تعرف عنه وأنتم تهرجون=يبين لك من كل جودٍ نضيحه
المستريح اللي من الشك مامون=مع كل خلق الله علومه مليحه
كم واحدٍ حيٍ له الناس يثنون=وإلا توفى قالوا الله يبيحه
وكم واحد لو هو باالألحاد مدفون=ذكراه عند الناس بيضا صفيحه
وكم واحدٍ يجمع ملايين وخزون=مالٍ تنميه اليدين الشحيحه
لا تشكره رملى ولا فك مديون=ولا حل مشكلة النطيح ونطيحه
ولا له على جاره من الفضل ماعون=لو إن جيرانه تشوف الذبيحه
وكم واحدٍ جيران بيته يحمدون=للجار ريف ولل.ه منيحه
وكم واحدٍ منه العوادي يخافون=.ن المخيف اللي كثيرن فحيحه
ربعه نهار الضيق فيه يتذرون=لاجا نهارٍ فيه لجه وصيحه
وبعض الرجال بهم شريفين وعفون=كلن على ماقال يرجع لكيحه
وبعض الرجال بضحكهم يستغلون=يجيبها من نوع زلقه بطيحه
هذاك بين له من الهرج مدفون=خله إلا شافك يزين سميحه
الهرج له نقال والرد للشون=مزح الجزع يثر بكبدك جريحه
هذا وأنا ماني من الناس ملسون=لاشك أرفض من تزايد جميحه
قلته وكل الناس غيري يقولون=راع الظليمه لا تباطى مطيحه

مرشد البذال رحمه الله ,,

المستريح اللي من الشك مامون
مع كل خلق الله علومه مليحه

المصدر : قالوا حكوا بك قلت وش هم يقولون ,,

الله الله أخوي ذعذاع
على الاضافة المثمرة
بكلماتها ومعانيها
صح لسان الشاعر

مرشد البذال رحمه الله ,, وتسلم يمناك

رحم الله مرشد البذال
ولاهنت اخوي ذعذاع الشمال على الاضافه الرائعه
تحيتي

مشكور ع الاختيار الرائع
تقبل مروري لك.

كان الكلام من المعادي على هون
بعض المسبه بالمجالس مديحه



صح لسان الشاعر

سلمت ذع ذاع

لاهنت على الاختيار الجزل

ياذعذاع الشمال

تحيتي وتقديري لك

رحم الله مرشد البذال
وسلمت اخوي ذعذاع على الاختيار لاهنت

قصيده جزله والله يرحمه
بس اعتقد اخر بيت مطيحه زود ميم خطا املائي
تسلم اخي الغااالي

ياهلا فيكم ,,

الله يحييك ابو عبد الاله ,,