ديوان الشاعر عبدالعزيز راشد السدحان

السلام عليكم ورحمة الله وبركاتة

من دواعي سروري أن افتتح موضوع ديوان أبن العم العزيز على قلبي

عبدالعزيز بن راشد السدحان


ايها الأخوه ..
ستجدون بين طيات هذا الديوان ما يشبع ذائقتكم الشعرية عذوبه وجزاله

أترككم مع شاعرنا لينثر قصائده في صفحة مجالسنا

بسم الله
وان كنت من المقصرين في التواصل في منتدى ربعي اولاد راشد الا اني وبلا شك افخر باالمشاركه ولكن اناعندي مشكله مع الانرنت بشكل عام فأنا كسول جداا باالنسبه للمشاركه وكنت اكتفي دائما بقراءة مايطرحه اخواني من مواضيع واراء وقصائد واستمتع بها

هنا سااضع مالدي من قصائد وسوف ابدىمعكم بااخر ماكتبت

ان كـانـك ملـزمـه تمشـيـن طيعيـنـيبااوصًـلـك بــس باالرجـعـه تجيبـيـنـي

وانابرجـعـك لاجـيـتـي مـعــي وانـتــيفــي ذمـتـك مـثـل ماجبـتـك ترديـنـي

ياشـوق مهمـا يكـلـف وصـلـك الليـلـهمـانــي مخـلـيـك وانـتــي لاتخـلـيـنـي

وان كان حتن الفراق الصبـح محلولـهباخـذك مـن قـبـل لايطـلـع وخوذيـنـي

دوري معي قبـل نورالشمـس نسبقهـافــي لـيـلـةٍ مسـتـمـره يانظرعـيـنـي

ليـلـه طويـلـه مـهـي لـيـلـه طبيـعـيـهاللـيـل هـــذاء الطبـيـعـي مايكفـيـنـي

اراقبـه لجـل مايسـري وفــي لحـظـهغفلـت عنـه وسـرى وانتـي تحاكيـنـي

كـلـمـه تقوليـنـهـا وعـيـونـي بـعـيـنـكوكلـمـه تقوليـنـهـا وانـتــي تخالـيـنـي

قصـرتـي اللـيـل ومقـصـرةٍ بـصـوتـكومقـصـره قـبـل هــذي كلـهـا فـيـنـي

شوفيني اقولك بـدري علـى المسـرىوانتـي تقولـيـن لــي مـاعـاد يمديـنـي

اسـألـك بــاالله ويــن اروح لا رحـتــيكـــل الامـاكــن كئـيـبـه لاتركـتـيـنـي

جربت فرقاك في ليل الشتاء الماضيكـادت تقطـع مـن اللـوعـه شراييـنـي

الليـل بعـدك بـدى متكـاثـف الضلـمـهماكـنـه الا انتـبـه لــك يــوم تقفـيـنـي

والجـو يـبـرد زيــاده والـهـوى تسـكـنتمسك عـن اللعـب بـاوراق البساتينـي

والكرسي الجانبي باالشارع الموحـشابـتـعــفــى عــلــيــه ولا يـعـفـيــنــي

قامت عقب مامشيتي تبعث اطرافـهماضيعـت مـن بقايـا عـطـرك يديـنـي

والضو فوق السياج اللي عن الكرسييبـعـد بمتـريـن واشـجــاره تغطـيـنـي

يخفـت ويخفـت وينفـذ نــوره الـهـاديالحـزن عـم المـكـان وبـيـن جنبيـنـي

حزنٍ ملى خافقـي ليـن اودع دموعـيمهراقـةٍ فوحـت مــن فــوق خديـنـي

ابيضـت عيونـي مـن الـحـزن بغيـابـكوالليلـه ارتــد طـرفـي يــوم جيتيـنـي

وشلـون تمشيـن ويــن اروح لارحـتـيخـلـيـنـي اروح مــعــك ولا تخـلـيـنـي

انا اعشقك عشق مايستحمل الفرقـاءدينـي وديــن الـفـراق وديـنـه وديـنـي

حياك الله اخي شاعرنا القدير عبدالعزيز
ونحن ايضا نتابع ونهتم بما يقع في ايدينا من قصائدك
ونشكرك ان اتحت لنا ان نجدها هنا وبين طيات مجالس العز والشموخ التي
تطاول السحاب بإبداع ابناء الفرده شعرا ونثرا وانت منهم
والشكر موصول لمشرفنا الفاضل ابن سدحان على فتح هذا المتصفح
وسيتم اضافتك الى مجموعة شعراء الفرده الذين نفتخر بهم

شعر يحرك الشجون

الـعـلـم يـبـنـي بـيـوتـاً لاعـمــاد لـهــاوالجهـل يهـدم بـيـت الـعـز والطـولـه

وشلـون لاصـار عـلـم وبـيـتٍ مشـيـدله في دروب المراجل صولـه وجولـه

عـــزالله انـــا جمـعـنـاهـا وطـلـنـاهـالــو إنـهـا حـاجــةٍ مـاهــي بمطـيـولـه

الطيب موروث في ربعي من اجداديرجالـهـم وافــيٍ فــي فعـلـه وقـولـه

والعلـم سايـر ولـد عمـي تكـفـل بــهخلـى هـل العلـم يـوم العلـم مذهولـه

انـجـز لــه انـجـاز حيـرهـم ونومسـنـالين بصمولـه علـى العشـره وصفولـه

وإنـجـازه الـلــي نمـاريـبـه ونفـخـربـهمن قبل يحسب لنـا محسـوب لدولـه

العبـقـري المـحـنـك يـسـلـم دمـاغــهحل حـل لـه معادلـه ماهـي بمحلولـه

عبـاقـره يجـهـلـون المـسـألـه قـبـلـهومن عقب ساير غدت ماهي بمجهوله

صحيت لك هاجسٍ كد مل من شعـرهلاطـيـر الـنـوم عـنـي قـلـت وشـولـه

والـيـوم مـانـي بنـايـم لـيــن اكمـلـهـاان كـان مانـي بلـك سهـران منهـولـه

يحق لي يوم اقول الشعـر فـي سايـرطالـب يعـلـم اساتـذتـه مــن فعـولـه

لو حوله الناس تدرس مثـل مايـدرسالـحـق ينـقـال والله مـاهــم بـحـولـه

بينه وبين اقـرب منافـس مـن اقرانـهدربٍ يبـي يتعـب اللـي يسلكـه طولـه

لنـا الفخـر والفـضـل لله ثــم لـواحـداللـي لـه الفـضـل بـعـد الله بوصـولـه

عمي عسى الله يطول في عمر عمياللي على الطيب قبله متعـب رجولـه

الطيّـب الـلـي مـاهـو متصـنـعٍ طيـبـهنفسـه علـى طيـب الاخـلاق مجبـولـه

من جد قالو وجد واللـي زرع مخلـصيبـيـض الله وجـهـه يـــوم محـصـولـه

وختامـهـا بـاقـيٍ لــي بـيــت لاقـلـتـهعلـى وجيـه الحضـور يبـيـن مفعـولـه

ترى الوفاء والصخاء والطيب والخـوهوالاصـل والفصـل هـذي تعتبـر جـولـه

والعلـم والمعرفـه والبـحـث وفنـونـهمع ذيك ماتجتمـع فـي يسـر وسهولـه

لاتـعـقـل الـجـمـع لاكــنــا جمـعـنـاهـالــو إنـهـا حـاجــةٍ مـاهــي بمعـقـولـه

سعدت أخي عبدالعزيز بهذه القصيدة الرائعة وأتمنى تواجدك بالمنتدى
والشكر موصول لأخي الغالي / أبو حمد على جهوده الرائعة بالمنتدى