القلـب ليّـن لكـن الـراس قاسـي

الله من قلـبٍ شكـى ضيـم راسـي=شكى عليّ ولا شكاها علـى النـاس
القلـب ليّـن لكـن الـراس قاسـي=راسٍ عنيد وقلب مرهـف وحسّـاس
القلـب همّـه زاهيـات اللبـاسـي=والراس همّه زود شيمـه ونومـاس
الله جمعهن وألتقـن وسـط قاسـي=ويالله مطلوبي تـرى قـوّة البـاس
الضيم مركب.. والخيانـه مراسـي=والراس صابه من ظما وقته إعماس
غروٍ هويته واصبـح بقـدر ناسـي=له مبسمٍ زاهي ولـه عـود ميّـاس
مرسـوم رسـمٍ مايقوسـه قياسـي=عينه ليا لدّت على الشيـخ ينحـاس
عينٍ وسطها صار سجـنٍ سياسـي=وخدٍ يوزّع للبشر(ضيـق الانفـاس)
ومٍ قوى فاسه نـوى كسـر فاسـي=والراس ماعمره توطّى ولا انـداس
طبعه تسلسل ماخلف طبـع ساسـي=والماس ماعمره تغيّر عـن المـاس
يالله تفرجهـا قبـل وقـت يـاسـي=ومن قبل لايلفي على الراس وسواس
القلـب همّـه زاهيـات اللبـاسـي=والراس همّه زود شيمـه ونومـاس

الشاعر
عبدالعزيز الدهمشي

صح لسان الدهمشي ولاهنت
اخوى ابو حمد
تحيتي

مشكور ابو حمد ,,

ابو فيصل شكراً على المرور لاهنت

شكراً ذعذاع لاهنت

صح لسان الشاعر
وتسلم ابو حمد على هذه الاضافة الرائعة

ابو الرجال
شكراً على المرور العطر لاهنت

صح لسان الشاعر وشكراً ابوحمد ع الاضافه

الشاعر
على محيميد شكراً على المرور لاهنت

ابوحمد تسلم اختياراتك
لاهنت