(((((( وصلتني هذه القصيده من الشاعر الطهيمي ))))))))

وصلتني هذه القصيد من الشااعر صالح الطهيمي
وعسى الله يجملنا مع ابو تركي .....

ليه على الطيب حقوقومشاريه =
واشيد بالي يستحق الأشاده =
ولا يستحق المدح ياكود راعيه =
اللي مثل هابس له الطيب عاده =
ترثة حمول الخيل ياجاهل فيه =
رجل على الفزعات يقدح زناده =
اليا نخيته مايخيب الرجافيه =
يصير عنده مثل ملحه و زاده =
فعله ينومس كل ماحل طاريه =
أخذ بدورات المراجل شهاده =
ربه على زين الفعايل امقديه =
وعلى سنام العز وسق اشداده =
حر ن على النوماس طابت مساعيه =
نومس اربوعه يوم حزة هداده =
يشفق على الفزعه ويحفي سماريه =
وحكم على فعل الردى بالأباده =
واللي هقابه مايضيع هقاويه =
طيبه من ابحور المراجل مداده =
ولاكل فعلن يرفع اللي مسويه =
الطيب عند اهل المكارم عباده =
احدن على طيبه مع الناس تشريه =
واحدن على فرقاه تدفع زياده =
ولولااحقوق اهل الوفا والمشاريه =
ماكل رجال تحقق مراده =
اخوك/صالح محماس الطهيمي الفريدي

====================
ردي

أهلا هلا ياعل ربي يحييه =
صالح ولد محماس رآع الريآده =
الشآعر اللي شوقتني معآنيه =
عسى حيآته بالهنا والسعآده =
يشهدله التآريخ في بيض اياديه =
والخلق تشهد بالوفا والجلآده =
وماجوبكم حنا ترى مانخليه =
يصدر لكم بأذن الولي باعتماده =
شروآك ياصآلح نعزه ونغليه =
وباذن الولي يآتيك شرح الافاده =
نخيت ابوفارس وعد مايخليه =
عوض ابن باجد مدير القياده =
جآه وجآه الكل من جآه ناصيه =
يتعب على درب المرآجل جوآده =
وختآمها الريحآن والورد نهديه =
مع النسيم يفوح لاجا برآده =

صح لسان الشاعر / صالح الطهيمي قال فأجاد وأنت تستاهل

ترثة حمول الخيل


عزالله ماكذب أولاد على ونعم وسبعة أنعام


وابوعبدالله هابس بن عبدالله العلوي

صح لسانك شاعر لك بصمه خاصه يصعب تزويرها

تقول وتفعل وبنتظار الأعتماد أن شاء الله وابوفارس عوض باجد


لن يخيب ظنك


سجل مروري وأعجابي وشكراً على الاضافه اباعبدالله شاكر وممنون

وهلابك بين ربعك أثريتنا بجديدك

اخوى
الشاعر هابس العلوي
كفو يابن علي ممدوح وتستاهل المدح
والكفو مثلك وشرواك ينصى ويمدح ويقدر
صح لسان الطهيمي وصح لسانك ولاهنتما إستمتعنا
بقصيدتيكما قافيه ومعنى شعار كبار صحت السنتكما
تحيتي

الشاعر
هابس العلوي كفو والله والف نعم
تستاهلون المدح وزياده ياترثة حمول الخيل
وصح لسان الشاعر صالح محماس الطهيمي
وصح لسانك استمتعنا بمساجله راااائعه
نصيت شبلٍ مايخيّب ضنك يابو تركي
الف شكر اخوي هابس على الاضافه لاهنت

صح الله السنتكم والله والف نعم فيكم

أبيات رائعة بمعانٍ راقية ..

في الاسناد وفي الرد ..

فصحت معانيكم .. وكفو بالجميع .


تحيتي وتقديري .

صحت ابدااانكم جميعا
مروركم وشعوركم شــرف كبير لمتصفحي الله لايهينكم ,,,,,,,

كان الاسناد راقيا وكبيرا من ابو تركي
وكان الرد وافيا كافيا معطرا بوعد الرجال للرجال
كفو يابن علي قول وفعل
صح لسانك وصح لسان صالح على هذه الدرر الجميله
وشكرا على الامتاع الرائع
لاهنتما
.........

صح لسانك ابا عبدالله
قصيدة جزله واسند جزل
اعتدنا نثر ابداعك وبإنتظار جديدك
تقبل وافر التقدير على هذا الحضور الراقي

المشاركة الأصلية كتبت بواسطة خلف الفريد

كان الاسناد راقيا وكبيرا من ابو تركي
وكان الرد وافيا كافيا معطرا بوعد الرجال للرجال
كفو يابن علي قول وفعل
صح لسانك وصح لسان صالح على هذه الدرر الجميله
وشكرا على الامتاع الرائع
لاهنتما
.........

صح بدنك اخي ابو عبدالعزيز
ولاعليك زوود يالغاااااالي وشــهاااده اعتز بها

تحيااااتي واحتراامااتي