أفرح بجيتهم إليا حلو ضيوف

ايها الاخوه وجدت هذه القصيده وأعجبت بها

وأحببت نقلها لكم لعلها تليق بمقامكم وتنال رضاكم


القصيـــــــــــده :-

يا صاحبي مسموح لاخانك الشوف =لو كان ضلع طويق ماهوب خافي
ماني ضعيف ولا تحيزمت بضعوف =والحمد لله مشلح العز ضافي
كم لاح قدّامي عراقيل وصدوف =ورميتها من فضل ربي خلافي
وزلة رفيقي دايم تمر واتطوف =ما حاسبه عن زلته يالسنافي
أقول يمكن وقتها مر بظروف=وهذا الزمن طبعه يجيه اختلافي
رأيي ولاني في رضا الناس مكلوف =لاصار عقله مقتنع فيه كافي
مار العتب في سلم الاخوان مألوف =ولا يوصل الموضوع حد التجافي
أرض المعزّه ما على زرعها خوف =ما زارها ركب السنين العجافي
ويا صانع المعروف تجزى بمعروف =ما يجحد المعروف يا كود هافي
اسمك من القاموس ما هو بمحذوف =ومراكبك ما غادرت عن ضفافي
لكن أبرسم لك على أوراقي حروف =مشاعرٍ رتّبتها بالقوافي
والسمع ما يطرب على كل معزوف =ولا يعجب العينين كل ما يشافي
وصدري كتابٍ للقريبين مكشوف =والقلب مع كل المحبين صافي
أفرح بجيتهم ليا حلّوا ضيوف =وأنا لهم مخلص وصادق ووافي
هذا حسب وصفي وكلٍ له وصوف =والله هو اللي مطّلع بالخوافي

الشاعر/ صالح محمد العنزي

انت رائع قبل أن يكون نقلك رائع

وصح لسان صالح العنزي

وفعلاً أنا كذالك أعجبت بها وتستاهل الأشاده

هذا الشعر اللي يغسل الكبد

شكرا ووصار على موضوع الرجال لازم يابوفيصل

تنهي موضوعه وأنت كفؤ وراعي الأوله

ماني ضعيف ولا تحيزمت بضعوف =والحمد لله مشلح العز ضافي

صح لسان الشاعر

وتسلم يمينك يابو فيصل على النقل الجزل

تحيتي وتقديري لك

قصيدة رائعه :
.
.
وكأن هذين البيتين غريبان فيها :
.
لكن أبرسم لك على أوراقي حـروف
مــشــاعــرٍ رتّـبــتــهــا بـالــقــوافــي
.
.
والسمع ما يطرب على كـل معـزوف
ولا يعجـب العينيـن كـل مـا يشافـي

أرض المعـزّه مـا عـلـى زرعـهـا خــوف

مـــــا زارهـــــا ركــــــب الـسـنــيــن الـعـجــافــي

ويا صانع المعروف تجزى بمعروف

مـــا يـجـحـد الـمـعـروف يـــا كـــود هــافــي

اسمك من القاموس ما هو بمحذوف

ومـراكـبـك مــــا غــــادرت عــــن ضـفـافــي

المصدر : أفرح بجيتهم إليا حلو ضيوف



ابو فيصل اختيار ك قمة
قصيدة رائعة بكل ماتحمله
من معانيها
صح لسان قائلها
وتسلم يمناك