الله يسكن روحه الجنه .... قولوا آمين

الحزن له مصدر وللحزن ميراد = في روضةٍ يذبل ورقها غبينه
ويارد على قلبٍ على الحزن وراد = تسبح شرايينه بجمـّة معينه
ويشب به نارٍ تقل نار حداد = أونس لظاها بالضلوع الحصينه
وأحسـّها مع الشرايين تنقاد =يالله عفوك والصبر والسكينه
على حبيبٍ ما للاّماه ميعاد = طوّى عن الدنيا شراع السفينه
مشى طريقٍ من مشى فيه ماعاد = مع ساقة الأجداد ساق الضعينه
اللي يساوي نور عيني والأولاد = اثنا حياته مابحياتي وزينه
يزيد حبه كل مالعمر يزداد = ضنيني المضنون وانا ضنينه
والله يالولا الحي متحول جـماد = ماتفرق الأيام بيني وبينه
مار القضاء ماله اليا حل رداد = وما يكتب الله بالرضا قابلينه
ماني بجازع من مصابي ولا راد = والعين تذرف والخواطر حزينه
فرّشته من الأرض قده بالالحاد = وألحفته بيمناي لبنه وطينه
واقفيت وحر الدمع بعيوني ابداد = والقلب بين الناس بيح كنينه
قبره لعله ينفتح باب من غاد = على جنان الخلد خوخه وتينه
ويمطر عليه اليا اقبل الوسم رعاد= لاجهـّت الديمه تعلـّه غشينه
اول منازل هجرة الحاضر الشاد= يلقى بها من كل تنعيم عينه
وقراره الجنه وتكريم وإسعاد = يالله ياعالم خفايا الضغينه
رحمتك باللي مات مازل ماحاد = عن نهج ابا القاسم وتشريع دينه
صوام ومصلي وقانت وعباد = شباب شايب مصحفه في يمينه

حياك الله ابو زياد
وصح لسانك وغفر الله لميتك واسكنه فسيح جناته
وليتك اخبرتنا عن اسم الفقيد وهل هو الوالد ؟
واسمح لي نسقت القصيدة وعدلت بعض الاخطاء الاملائية البسيطه ...
اعلم ان الالم جعلك تنزل القصيدة بهذا الشكل المستعجل ولكنك معذور لظروفك
تقبل تحيات محبك ابو عبد العزيز

اخوى
الشاعر ابو زياد
رحم الله ميتكم وأسكنه فسيح جناته
وجعل قبره روضه من رياض الجنه
صح لسانك قصيده جزله حزينه معبره تأثرت
منها جداً صح لسانك مره ثانيه ولاهنت
تحيتي

أسأل الله العلي العظيم , أن يغفر لميتكم ويسكنه فسيح جناته .. هو وجميع موتى المسلمين .

إنا لله وإنا إليه راحعون .

عظّم الله أجرك وأحسن عزاك أخي /

أبوزياد .

تحيتي وتقديري .

غفر الله لميتكم واسكنه فسيح جناته

ودام تواجدكـ وتواجد من تحب

تحيتي وتقديري لك

ابو زياد صح الله لسانك الف مره ورحم ميتكم واسكنه فسيح جناته لا شك انها فيها من الحزن الكثير والاهم انها تحمل من الشعر الكثير والكثير وهالبيتين عن الفين بيت

عـلــى حـبـيـبٍ مـــا لـلاّمــاه مـيـعــاد=طـوّى عـن الدنـيـا شــراع السفيـنـه
مشى طريقٍ من مشى فيه ماعـاد=مع ساقـة الأجـداد سـاق الضعينـه

الله يرحمه واموات المسلمين

وصح لسانك يابو زياد لاهنت

الله يغفر له ويرحمه ويسكنه فسيح جناته

صح لسانك ألف يا أبو زياد على هذه الأبيات الجزلة

آمين
.
.
الله يغفر له ويسكنه فسيح جناته ,

الاخوه الافاضل

خلف الفريد

غازي بن عجاب

نواف بن فارع

عبدالعزيز العبلان

نايف بن مياس


ابو حمد


فهد الطميشاء

عبدالله بن راشد


شرفني مروركم واطلاعكم واسأل الله العلي القدير ان لايريكم مكروه في عزيز لديكم

ورحم الله والدي رحمة واسعة وشكرا لما قمت به اخي الفاضل ابوعبدالعزيز