قم ترشّح !!

بدعوة كريمة من اخي محمد عبد الهادي الطميشاء رئيس المجلس البلدي بالاسياح
تشرفت بحضور حفلته الانتخابية قبل شهور والتي وافقت اليوم الوطني وقد القيت فيها قصيدة
بالفصحى ستجدونها في (الاصيل) انشاء الله وفي تلك الليله تحمس احد الاخوة وقال لماذا يا ابا عبد العزيز
لم ترشح نفسك ؟ فلك جمهور كبير !!! فكانت هذه الابيات الفكاهيه :

قـم تـرشّـح ياخـلـف كــلٍ تـرشّـحلاتفـوّت فـرصـةٍ تمـضـي سريـعـه

قلت يكفيني علـى جويبـي مفشّـحواتمشـى فـي ربـى نجـد الوسيعـه

الامـانـه مـاهــي وســـامٍ مـوشّــحمن عطاك الصـوت سجّلهـا وديعـه

ان قضـيـنـا حـاجـتـه والا تـورشــحثم سلب جلدي وخلق الله لكيعه!!

والله اني ماشكيت الضعف والشّحولا اعتبـر ماقلـت قـدامـك ذريـعـه

بـس وشـلـون اتسـمّـى بالمـرشـحوالجماعه عندهـم عشريـن بيعـه!!

تبـي توهّـق خلـف ليـن ايتشـرشـحهـي قطاعـه يـاولـد والا طبيـعـه!!

دايـمٍ بعـض البشـر حظـه مكوشـحلو طلب ادنى المكاسب مايطيعه!!

ولو ضمنت اصواتكـم كـان اترشـحمار سكان الوطـن سنـه وشيعـه!!

اخوي الغالي
الكبير قدراً ومقام
الشاعرالكبير خلف الفريد
بيض الله وجهك وصح لسانك
والله كفو وتستاهل
وانت ان شاء الله مرشحنا في الانتخابات

ترشيحك ومودتك في قلوب أبنائك واخوانك ...

من أكبر المكاسب ..

أديبنا وشاعرنا القدير / أبوعبدالعزيز .

صحت معانيك وكلماتك في هذا النص الجميل .

وتقبل تحيتي ووافر تقديري .

نحن مرشحينك حتى لو لم ترشح
الشاعر الكبير بقدره ومقامه خلف الفريد
صح لسانك ولاهنت ونحن بحاجة فكاهياتك العذبه
لاهنت لاهنت وصح لسانك
تحيتي

ههههه صح لسانك يا أبو عبدالعزيز

وابشرك أنت مُعيّن تعيين وفائز بقلوبنا المُحِبّة لك

والله اللي مثلك يا غالي يجتمع عليه السنه والشيعه .

صح لسانك يابوعبدالعزيز

ترشيحك ومودتك في قلوب أبنائك واخوانك ...

من أكبر المكاسب ..

صحت معانيك وكلماتك في هذا النص الجميل .

وتقبل مروري ووافر تقديري .











المصدر : قم ترشّح !!

الاماجد
ابو حمد::ابو عبد السلام::ابو فيصل
ابو عبد الملك::ابو راشد::ابو زياد
ابو الرجال

صحت ابدانكم وارواحكم
اشكركم على هذه المشاعر الراقية والثقة الرائدة
اسعدني مروركم الثري وحبكم الجلي
لاعدمتكم

صح لسانك اباعبد العزيز انت مرشح عند الجميع

لكل علم غانم