شـكـواي لـلـه ما لـغــــــــيره شـكـــاوي ,,

شكواي لله ما لغيره شكاوي=هذا ولا لي غير مولاي معبود
يا رب انا في ظل خيرك غناوي=لا جاحد فضلك ولا منكر جود
وقفت في بابك ذليل وطاوي=وانت الكريم ومن ترجاك موعود
ادمح خطاي وزلتي بالخطاوي=ينزاح عني هم الايام والكود
انا رجيتك يا مجيب الرجاوي=يا مصرف الاقدار والنقص والزود
تذهل الى فكيت باب العطاوي=شانك عظيم وشان الاجواد محدود
تعطي ولا تثقل عليك المناوي=انت الذي بحرك غزير وممدود
يارب انا ما نيب كانز وحاوي=ولا رجدت المال في البنك مرصود
انا طلبتك للضعيف السحاوي=اللي الى جا خالي اليد محدود
وإلا لمديون دهته الدعاوي=غارم وفي سجنه من سنين مقيود
وإلا عجوز ما لها من يداوي=جرح الزمان ودمعها شقق خدود
وإلا مريض عارضته البلاوي=ضاقت به الدنيا مواعيد ووعود
وإلا عزيز ذل عقب الهقاوي=يمشي مع العالم ذليل ومضهود
وإلا خوي لي نخيته فداوي=وإلى زهمته قام بالعلم ويزود
حنا عبيدك وانت قادر وقاوي=خيرك عميم ومن فضل جودك نجود
يارب أنا لي نفس حر نداوي=ما ترغب إلا المنزل الشاهق الطود
وانت الذي تطفي ظمى كل ذاوي=وانت الذي لو تمنع الغيث محمود
في لمح طرفة عين تفقر غناوي=وفي لمح طرفة عين تغني لك بدود
حياض غيرك صبر والصبر زاوي=وانت الذي حوضك زلال وقرهود
ومدات غيرك ذل والذل كاوي=وإلا انت ذلك عز يا اعز مصمود
لك الثنا والحمد ظامي وراوي=ما حنت الورقا على غصن وفنود

كلمات الشاعر : خالد بن سعود الكبير

صح لسان الشاعرالامير خالد ين سعود الكبير
ولاهنت اخوي ذعذاع الشمال على النقل الجزل
تحيتي

مشكور يا ذعذاع الشمال , لا هنت .

كتب الله لك اجر مانقل

ولاهنت على تواجدك المميز

مشكور اخوي ابو عبد الاله الله يرضى عليك ,,
مشكورين من ذوقكم ياهلا فيكم ,,

يعطيـــــك العـافيــه ياذعـــذاع ع النقــل

هلا فيك ,,

صح لسان الشاعر الامير خالد بن سعود الكبير

على هذه الرايعه تقبل الله منا ومنه شكراً اخي ذعذاع على الاضافه

هلا فيك ,,