بناتنا .....

في ردها عليّ في مشاركتي " دور على غيرنا" تعاتبنا الزميله (ريم) على عدم انشادنا معشر
شعراء القبيله في بناتنا واقول نيابة عنهم:

شعَّارنا .. جتني من الريم كلمات=رسالةٍ وصلت ولو هي قليله
تقول ياعمي اشعارك كثيرات=وراك ماتمدح بنات القبيله!!
واقول يابنتي مرابط اصيلات=واللي ماهي خنساء تصير الجليله
بناتنا من راس راشد سليلات=العزوه اللي مع ثمرها ظليله
ان جيت اوصّف بالحلايا جميلات=وعفافهن مافيه هنّه وميله
وان شفتهن بالسوق ماهن خفيفات=مثل الجبال النايفات الثقيله
في دورهن او خارج الدور خفرات=ولاهن طمع لهل النفوس العليله
وانتي نموذجهن من الناس بالذات=دايم علومك بالمجالس جميله
اقولها ولا اهضم حقوق الشريفات=ياكثر من عدّن براس الطويله
.........

لله درك يا عنوان الوفاء ومنبعه
ابا عبدالعزيز لااجد ما اقوله لأوفيك ماتستحق
بس الاكيد قمة الوفاء والاخوه ايها الشامخ لاعدمناك
وصح لسانك مليون الله لايحرمنا تواجدك وابداعك
.............................
.............................
تستاهل
اختنا القديره
ريم فكم امتعتنا بكتاباتها الهادفه
وردودها الجميله وتواجدها المميز
تستاهلين

ياريم

و لا يهون باقي الاخوات العزيزات

في غاية الجمال والروعه ,,

ريم تستاهل
وبنات راشد يستاهلن
وابو عبدالعزيز عودنا الوفى للجميع
ونقول صح لسانك ولاهنت كفّيت وو فيّت لاهنت
تحيتي

لله درك يابو عبدالعزيز عزالله انصفتهن وكفيت وفيت

كا عادتك الوفا صح لسانك وعلى شانك تقبل تحياتي

بيض الله وجهك ابو عبدالعزيز
ويستاهلن بنات راشد هذا المدح

لاهنت على هامدح
يابوعبد العزيز

وبنات راشد يستاهلن اكثرررررررررر

ما شاء الله عليك ابو عبد العزيز وفيت وكفيت
يعطيك العافية

يسلم راسك ياعمي .
مقطوعه تحمل كلمات صادقه
ومدح بمحله لبنات راشد ,
نستاهل كل خير .. بنات القبيله
لهن بكل مجال صوله وجوله ..
بصراحه لا استطيع ما اقوله ,,
اما هذه الرائعه .. الف شكر ,ياوافي
,,,,,,,,,,,,,,,,,,,,,,,

أبوحمد تسلم ياوافي شهاده افتخر بها
وتستاهل الطيب ..

غازي الف شكر وتستاهل الطيب

ابوعبدالعزيز
صح لسانك ولاهنت

ابدعت في نظم هذه الدره المتميزه في من مدحت و الريم نموذج لـ هذه الفئه

دمت كما انت مبدعاً