هذه القصيدة يسندها الشاعر : سعد بن عبدالله الفريدي على الشاعر والإعلامي : رشيد بن محمد الفريدي
يارب تفرج لي من الهم والضيق = والمنزل اللي ما يحبه نزيله
سرداب هم وغم وأشباح تويق = راحت به عقول العوارف هبيله
ما فيه ما يشرح صدور المخاليق = الا مع الهجعة صلاة النفيله
وخلوه مع الخالق وصحوة وتدقيق = ومحاسبة نفس بأملها طويله
أذوق من طعم السعادة تراميق = اليا دعيت اطلب من الله فضيله
لو كان همي كبر أبانات وطويق = وعجزت عضودي لا تشيل الثقيله
شلفا الزمان اللي تفك المعاليق = جرت عليّ من السوالف سحيله
وقامت تصب من البلاوي مصاليق = والحال من صكات بقعا نحيله
وتمزقت مصادر الخير تمزيق = وتاهت مناهيج الحياة البديله
والمشكلة صارت بوجهي مغاليق = كل الدروب اللي سلكها الدليله
والحلم مات وكفنوه المطافيق = وحطيت له فوق النصايب نثيله
ولا صار للنكبات طرق ومزاليق = ما فيه أمان من الظروف المهيله
والهم طال وحرّق القلب تحريق = والصبر راح ولا بقى لي وسيله
الا النوادر مع سمان الطواريق = تجلي عن المشحون جمرة غليله
وأسندتها لرشيد شيخ المطاليق = شاعر وتجمعنا حقوق وقبيله
ومن لايعه سم الهبايب على الريق = عد الروى يروي ظماه وصميله
وصدور عكفان الشوارب صناديق = يموت فيها السر ما أخلف مقيله
ومن صدّر السلعة على غير تسويق = كنه على خيبر يطوف بزبيله
وجاك الكلام اللي بحكمه وتنسيق = الطرق واضح والعباره جميله
وسلمتها شاعر وناقد وذويق = وغلفت معناها وقلبه دليله
صح السان الشاعر القدير سعد عبد الله قصيدة رائعه جداً وسناد لرجل راعي مهمة وفزعه الشاعر الاعلامي رشيد الفريدي أخوي محمد السعد عساك في الوجود أشكرك على الايراد هنا خلص الله دينة ان شاء الله ونراه قريباً بين اهلة وجماعته عاجلاً غير اجلاً
الطيب في روسكم ياحرب ولحاكم=من قال تكفون والله ماتخذلونه
سعد بسجنه ورى القضبان ينخاكم=قضى سنه ينتظر من يقضي ديونه
من الغبينه بعال الصوت ناداكم=تكفون ياتاج راسي لاتخلونه
صح لسانه.... نعم ليست لرشيد وحده بل لعيال العود كلهم اذا لم يزالوا عيال العود الاقربون اولى بالمعروف وحرب لا يعتزاء بها الا في حرب وفك اسراء وكلن يعلم بذالك اما نحن فلن يخيب ظنك بنا جعلك سالم ...الفرج قريباً بإذن الله محمد بن سعد نريد منك ان تنقل لنا كل مايترنم به .. لكل شعراءنا وانا اولهم لم اقراء بعد شريف بن راكب وولد امس الا لهاذا الشاعر قوه وصلافه مقطوعة النظير مع احترامي لكل الموجودين شعراء وأدباء ...انا لا اعرفه بعد اتصالي بابو فهد امس ؟ إذا به يكلمني قبل ساعه من ورى القضبان وأسوار الحديد فعرفني بنفسه .. امكن الدمعه عساها ماتطيح فيالها من ساعة ينتابها الحزن والصراحه وقصيد المعناه الذي بدا به لتلطيف جوء الحزن في مجمع الظهران وزحمة الناس لم اشعر بنفسي الا وأنا لا مره ولا اولاد قد سجيت عنهم من هول ماسمعت قد تجتاحني الحمياء لاقول: طالع طالع بإذن الله الله لايعوق بشر ...اسأل الله ان لايحدنا على جهدنا وان ييسر حاجته وينعم بساعدةٍ بين اولاده وأهله وربعه انه هو السميع العليم
قصيدة للشاعر : سعد بن عبدالله الفريدي 
العرض العادي
