جـديــد الــذكــريات ,,,,

سر ياقلم واكتب على الصفحه جديد الذكريات

ذكرى الغلا من قلبي النابض صدر مرسومها

سـلام يا ورد وعـســل سـلام يا سـكّــر نـبـات

سـلام يا بيـض القــلـوب اللي تســرّ عـلـومـهـا

يمكـن بعد فـتره يقـال: اللي كتب ذكـراه مـات

وهـذا هـو المقصـد من الذكـرى وهو مفهومها

هاذي نصيـحـه واقبلـوهـا يا شـباب ويا بنـات

أنتم عرب والنصح من ساس العرب وسلومها

ترا الصلاة علاج لهموم الزمان المعضـلات

كـد قـالهـا مـحـمّـد شـفــيـع الأمّـه وزيـزومـهــا

عليه أصلّي عدّ من حجّ وغزا وادّى الصـلاة

وعـدّ النفـوس اللي تكـفّـر ذنـبـهـا في صـومـهـا

وعدّ إنتصار السنّه وعدّ الجـيوش الغـازيات

اللي يقـف قلـب الصـلـيـبـي لو سـمـع بقـدومهـا

حنّا هل الإسـلام والإسـلام هـو ديـن الثبــات

وفرق البشـر باعـمـالـهـا ماهو بلبـس هـدومها

من لا عمل باخلاص نيّه ضاع مجهوده شتات

ومن لام نفسه والخـطـا خـطـاه لـيـه يلـومـهـا؟


وســـــلامـــتكــــم ,,,,,