قصة الضليعي ورد الشاعر سبيل بن سند عليه ,,

27-12-11, 01:06 AM

قصة الضليعي ورد الشاعر سبيل بن سند عليه ,,

في إحدى السنوات الماضية حصل ازمة في توفير اعلاف الشعير وكان الشاعر الضليعي - ـ المظيبري من بني رشيد صاحب تريلة أعلاف وحصل عليه مشكلة في دخنة المهم قال قصيدة ما اعرف منها الا بيت ونصف سمعتهن من سبيل ابن سند في الشريط وقال انه ماهو حافظ قصيدة الضليعي

الضليعي يقول :

سلام من عندي سلامٍ بحفوان ــــ سلام لاهل المرجلة والحمية

حتى قال : صرتوا علينا مثل ثورة جهيمان ـ وهذا الشطر الحساس ,,

المهم رد عليه سبيل الله يرحمه ويسكنه الجنة يقول :

حي السلام اللي لفانا علشان =
يطلع ويدخل بين هذي وذية
حنا بلامنة هل الدين الاخوان =
الله يوفقنا مناهج نبية
نرضي بها الرحمن ونغيض شيطان =
ومن اعتراه بليس عقنا نوية
قصة فعل ماهي عوض بقل ودهان =
يوم الزمان الزين ذيك السنية
وان ضعت نشد من هل الخير شيبان =
وانا اقبل الشيبان لي وعلية
يوم العرب صولات وعنان وسنان =
واليوم دين وولت الجاهلية
فينا الكرم والجود وادراك الاحسان =
من خير مايوجد وأشر البرية
ارجال ماننقل للأجواد حقران =
ولى انت دلوك عايمة في الركية
تمدح فلان ولك نظر تاكل فلان =
لاكان شوري كان عندك مزية
ترى الحصان حصان ويقال ياحصان =
ياللي فتل عظمك حليب العبية
عز الكلام اللي تقوله بثبتان =
واقبل على القاضي براع القضية
يمكنك المخطي مثل مانت زعلان =
انكان عصيان الولاية جلية
لا تعترض ذم المذاهب والاديان =
لك عن مثل هذي وسيع النحية
تاصف وصايفنا على خاينٍ خان =
بيضٍ مرج وانته وصلت الحضية
ولا الرجل يازن كلامه بميزان =
مايلبس الرجال تاج الخطية
تاج الخطايا يالضليعي زويان =
الناس دون حقوقها مجازفية
ماانت الوحيد اللي عطاك الله لسان =
مهما تشوف انك محق وسعية
لا كن تراك بعافية مالها اثمان =
كم تاخذ الرغبة ظهر مكرهية
حشم وقارك وانس الاقوال نسيان =
ان طعت ولا خيرة الله خفية
اركب قعودك وازهم العبد مرجان =
يلحقك بالشلفاء على المعنقية
وشمر وزمر قل يابدعان صنعان =
وافتح لمندوب البريد الخلية
من لاحشم نفسه على راس (.....) =
الشاوري بالكيس والنار حية
ماهي علوم فلان ولا فلنتان =
وإلى زعلت اضرب براسك طمية ,,