قصيدة( الشاعر عوض ناصر الفريدي ) في حفل*ابو خيف الفريدي

هذه القصيده كتبها شاعرها عوض ناصر الفريدي بمناسبة حفل زواج الاخ/عوض ابن محيميد ابو خيف الفريدي
الذي حضره عددا كبير من شيوخ القبايل والاعيان عددا من شعراء النبط والمحاوره
المعروفين بتاريخ 26 / 1 /1433

بسم ربعـي وانـا شاعـر وامثـل قبيلـهمرحبـا يالنشامـا مـن جمـيـع القبـايـل

مرحبـا عـد ماهـلـت مــزون المخيـلـهوارتوى القاع منهـا وادرجـن المسايـل

التراحـيـب سلـمـن للـرجـال الاصيـلـهمرحبـا والسـرور يـزود والشـك زايــل

ليلـتـن جمعتـكـم تعتـبـر خـيــر لـيـلـهمـالـهـا باللـيـالـي سابقـتـهـا مـثـايــل

قدركم بنن اشقـر يقعـد الـراس هيلـهوزرقـن قيمتـه ماطالـهـا كــل طـايـل

باالمطايـب وتحتـه جمـر نـارن شعيلـهيتصـاعـد دخـونـه كـنـه جـبـال حـايــل

عند ربعن لهم باالطيب ساس وفصيلهعـزوة اولاد راشــد مذربـيـن الفعـايـل

اليمـانـي كريـمـه والفـعـايـل جـزيـلـهمانـقـول الـكــلام الا عـلـيـه الـدلايــل

يكسبـون الوفـا والمرجـلـه والفضيـلـهفـي جـديـد اللـيـال وباللـيـال الاوايــل

الفـريـدي فخـرنـا عــز مــن ينتمـيـلـهعزوتـن باللـزوم تهـون معهـا الثقـايـل

قالها شاعرن قبلي من اطـراف قيلـهالفـراوي شهـد لهـل الوفـا باالجمـايـل

مقـدم القـوم ابـن حمـاد حـام الدبيلـهيـوم قـدح الزنـود ويـوم شـب الفتايـل

يـوم كلـن مـن التاريـخ يـاخـذ حصيـلـهقسمنا من سنامه فـي نهـار الصمايـل

اصلنا حرب مروين السيـوف الصقيلـهيـوم نجـد العذيـه بيـن منكـف وصايـل

مـن ينـوش الحمـى والجـار مانرتخيلـهمالـه إلا المهنـد فــوق قــب الاصـايـل

الدخيـل نحشـم لــه والـعـدو نعتديـلـهوالخـوي كـم ذبحنـا فيـه يابـس بـلايـل

زبـدة الهـرج يكفـي عـن كثيـره قليلـهوالوفا والمراجل مـن طبـوع الحمايـل

ياعوض جيت ابـارك لـك بليلـه جميلـهالف مبروك ياواف النسـب والخصايـل

كـل طيـب نقـدر دعـوتـه ونعـنـي لــهناصـلـه وانـتـشـرف يـــوم الـرسـايـل

والمراجل على الطيب ماهي مستحيلهوانت طيب وطيبك وارثـه مـن سلايـل

انـت مثلـك يشـرف والمـدح يستويـلـهواتشـرف واقـول انـي بشـرواك قايـل

شاعرن ماخذيت الشعر قصد ووسيلـهمطلب إلا الكريم اللي يسوق المخايـل

الرفيع ارتفـع لـه والتحـت مانحـي لـهوالمدايـح بهلـهـا مــن كـبـار الفضـايـل

الشاعر عوض ناصر الفريدي * ابو ماجد*

حفل رائع ..
تمنياتنا لأهله التوفيق والسداد .

وألف ألف مبروك .. ودامت أفراح الجميع .

صحت معاني الشاعر / عوض بن ناصر .

وسلمت مبدعنا / أبوصالح .

على روعة الاختيار .

تحيتي وتقديري .

من اجمل ما قرأت
صح لسان ابو ماجد على هذا البوح الصادق
مدح رجل يستحق المدح
كنت من الحضور وقد شدنا ابا ماجد بقوة القصيدة وجزالة معناها
زاد من ذلك جمال القائه
شكرا لك ابا صالح وكل الشكر والتقدير لشاعرنا القدير عوض بن ناصر

تسلم اخي الغالي
وصح لسان الشاعر ابو ماجد والله يوفق العريس
وحفلة بمصداقيه شرف للقبيله وجملونا قدااام الاجنااااب الله يوفقهم ولاهي غريبه على ربعي اولاد راااااشد

تحيااااتي وتقديري للكل

بيض الله وجه ابو ماجدقصيده رايعه القاها في حفل زواج اخي عوض نشكره عليها كما نشكره على حضوره المشرف والشكر موصول لك اخي ابوصالح النقل لك اجمل تحياتي

اخوى بن مطيع لاهنت
على النقل وصح لسان ابو ماجد والله
يوفق اهل الحفل ونقول لهم زواج مبارك
بإذن الله تعالى وعقبال البكاري
تحيتي

صح لسانه وشاعر مافيه حيله دائمآ متميز في قصائده

ونبارك لرجل الأعمال :عوض ابن محيميد أبو خيف الفريدي

ألف ألف ألف مبروووووك

فكان حفل ناجح من حسن الضيافه والأستقبال وكرمهم المعتاد ليس بالغريب عليهم

يعطيك ألف عافيه على النقل الرائع

صح لسان ابو ماجد
هذه عوايده اذا حضر شرّف واذا قال اعجب
حضوره مهيب ووفاءه قريب
،،،
ابيات لاشك اسعدت الحاضرين وانصفت القائمين
وبيض الله وجه ابو ماجد على تمجيد قبيلته وربعه
ومن كان حفيد فارس فهو اليوم في مجاله فارس ولمجده حارس
،،،
صح لسان ابو ماجد
والتهنئة لال ابو خيف على حفلهم الطيب
والشكر لمشعل المجالس على الاضافة الجميله
لاهنتم
.......

صح لسانك ابوماجد على هالابداع

شكرا ابو صالح