( زواج السداحين )

بسم الله الرحمن الرحيم
تشرفت مساء يوم الجمعه الماضي الموافق 28 محرم 1433هـ بحضور حفل ابناء الشيخ / راشد بن سدحان الفريدي بطيبة الطيبه
وشاركت بتقديم تلك الامسية الجميلة وقد حضر الحفل أقارب واصدقاء وغاب آخرون ممن عرفتهم وصادقتهم عندما كنت اعمل هناك
قبل سنوات طويلة في مطار المدينة المنورة ....
وقد تأثرت عندما لاحت لي انوار المدينة المنورة ومآذنها الخالده وكل مايحمله مثوى الحبيب صلى الله عليه وسلم من قدسية وراحة وسكينة...
وفي خضم هذه المشاعر تذكرت بعض احبابي الذين غيبهم الموت بعدي وكانوا ملء السمع والبصر فكانت هذه الخلجات التي القيتها كما هو في
التسجيل ادناه وقد ثأثر الحضور أيّما تأثر ، وكان ممن ذكرت رجال كانوا من اصفيائي وهم :
- الشيخ الوالد / راشد بن ساير بن سدحان الفريدي .. ابو عبد الله يرحمه الله
- الشيخ الوالد / حمود بن عواد الجويعان الفريدي .. ابو حميدان يرحمه الله
- الشيخ الوالد / عبد الله بن هليل بن عتاق الفريد .. ابو عجب يرحمه الله
- الاخ المهندس / منصور بن فنخير الفريد .. ابو عمر يرحمه الله
- الشيخ الفاضل / محمد بن منصور بن قمزه .. ابو فهد يرحمه الله
فأليكم ما ذلك المدخل :

يـوم الحـرم بـان لـي عالـي مناراتـهذكرت ربعي وهـل الدمـع مـن عينـي

والله معينـي علـى قلبـي وحسـراتـهمدري اواسي او اطلب من يواسينـي

ذكــرت راشــد وترحيـبـه ومزحـاتـهلـه مجلـسٍ مايملـه ضيـف وادنيـنـي

وابـو حميـدان فـي طيبـه وضحكـاتـهحمـود عـواد مــن روس الجواعيـنـي

وابـو عجـب شايـبٍ لـي فيـه ميزاتـهشيخٍ جمع بين طيـب الفعـل والدينـي

ومنـصـور فنخـيـر روحـاتـه وجـيـاتـهرفيقـي اللـي مـع الشـده مصافيـنـي

وابــو فـهـد مانسيـنـا كـبـر فزعـاتـهمن روس ربعٍ لهـم بالمجـد سهمينـي

الله يجـمـع لـهـم عـفـوه ومـرضـاتـهويغفـر لهـم يـوم نصبـات الموازيـنـي

مـشـوا بــدربٍ طـويـلاتٍ مسـافـاتـهغـابـوا وحـنـا عـلـى الاثــار ماشيـنـي

وعسى العوض يوم ذقنا كاس لوعاتهبعيالنـا اللـي علـى المنـهـاج باقيـنـي

[/youtube]


وهذه مشاركتي الاساسيه في المناسبه :

وصلتني الدعوه وانا اليـوم موجـودماتنفـع الاعــذار لــو هــي عـديـده

دون المواجب نفرز البيض و السودوحـق الرفيـق اللـي عليـنـا نـزيـده

ولـو المدينـه دونهـا بـحـور وحــدودنـجـي لـهـا لــو المسـافـه بـعـيـده

يقودنـا حــب الجمـاعـه لـهـا قــودوتشريفـهـم ربـيـع قلـبـي و عـيـده

ويا عيال راشد مانسينـا غـلا العـودشـيـخٍ عـلـومـه بـاقـيـاتٍ جـديــده

وليـا ذكرتـه شاقنـي جـاره حـمـودشريـان قلبـي يلتقـي مــع وريــده

حتى ولو غابوا بقـى الذكـر محمـودالطّيـب يبقـى لـه مــوار وشـريـده

لعلهـم فـي ظلـمـة القـبـر ولـحـودمكرّميـنٍ مـا اشتكـوا مـن وقـيـده

ولا مات من عقّـب صناديـد وفهـودتـوارثـوا عنـهـم صـفــاتٍ حـمـيـده

ولي الشرف يامنبع الطيب والجـوديــوم اتعـنّـا مـــن مـديـنـة بـريــده

والليلـه الفرحـه لهـا جيـش وجنـودوعم الفرح باركان ذكرى المجيـده

جمـوع المحبـه تلتقـي كنهـا وفــودوالشعـر زان وننتـقـي مـنـه غـيـده

ونـبـي نـبـارك للعريسـيـن بالـخـودولعـلـهـا دايـــم حــيــاةٍ سـعـيــده

حمـود مدحـه مايبـي عـدّ و شـهـودوعبد الرحمن اللي ينومـس هديـده

نسل الرجال الي كمـا غالـي العـودخصـلـة سداحـيـنٍ ونـعـم البـديـده

روسٍ مضريـنٍ علـى ضربـة الكـوديوم المواقـف والظـروف الشديـده

والشعر صيدٍ شاعره نـوب مصيـودنـوبٍ عـن الشاعـر تلـوذ الطـريـده

حاولت انزّهـا عـن النقـص والـزودالمستمع يطـرب لمعنـى القصيـده

وان كان شفتم في معانـيّ منقـودارج السموحـه مـا بغيـنـا الزهـيـده

وصـلاة ربـي عــدّ مـاكـان مـعـدودعلـى شفيـع الخلـق واكـرم عبيـده

******

اخوكم
خلف بن محمد بن عتاق الفريد

ابو عبد العزيز صح السانك على القصائد الرائعه والجميلة والشيلة الرائعه

قصيدة وافية وجزلة وهذي عوايدك...
عزوتي وتاج راسي وفخري ياخلف
تبقى علماً يرفرف فوق المجالس ايها العندليب
لنا الفخربك عندما نجد لكم في المناسبات البصمة الشعرية والحضور الراقي
شاعر بمستواك له حضور مشرف دائماً في جميع الحفلات
(ونعم والله بك وباالسداحين )
تقبل مروري مع خالص تحيااتي وتقدير لك يا ابو عبــــــد العــــزيـــز

ابو عبدالعزيز

صح لسانك وعلا شانك

عاداتك الوفا والظهور المشرف

في كل مناسبات القبيله

قصايد جزله من شاعرٍ جزل

بيض الله وجهك وجمل الله حالك

يستاهلون السداحين

كفو يبو عبدالعزيز
اصبح الوفاء سمة ملازمة لك
وحضورك لمناسبات ربعك وعنايتك بها دليل صفاء روحك
لقد ذكرت اعلام من الفرده رحمهم الله تعالى
والسداحين كفو يستاهلون العنوه
شكرا لك وصح لسانك وبيّض الله وجهك
تقبل وافر التقدير

الابداع سمة من سمات بعض البشر .

والتميز صفة من صفات بعضهم .

وبعضهم جمع الابداع والتميز .

بشعره واسمه وحضوره .

دمت أبوعبدالعزيز بتميزك وإبداعك .

وصحت معانيك .

تحيتي وتقديري .

صح لسانك أبو عبدالعزيز

ماهي غريبه عليه وفاء بربعه وجماعته

وأقول لك جعلك سالم

وطولت العمر ..

وافى والله يابو عبدالعزيز
صح لسانك واعتلاء شأنك ولاهنت وعنوتك من بريده
للمدينه دليل وفاكـ واللي ذكرتهم ونعم فيهم ولامات من عقب
العوض بالموجدين عساهم بالوجود
تحيتي

لقد بلغت منا كل مبلغ
.
وتأثرنا بكلماتك كل تأثير
.
والفرح بوجودك ووجود الشيخ صالح المغامسي ووجود الامير حسين بن عاشق اللحاوي وشيوخنا الأفاضل هادي بن حماد وزيد بن حماد وعماش بن جازي الشدادي ووجود الاحباب من كل صوب ,
.
اقول ذلك فرح ليس له نهايه يعود لنا كلما عادت الذكرى ,,
.
عفوا .. لم تنتهي المشاعر والكلمات .....

وااافي بطبعك ياخلف وطبعك الزين
ووااافي لربعك وبار بأهلك وجيرانك

الشاعر خلف ابن عتاق \

صح لسانك وعــــلا شانك