لاضاق صدرك وزاد الضيق واحراجه
سج القدم والفياف الخاليه دجها .
. ابعد عن الضيق واقطع مصدر ازعاجه
وكم ناس ماتت قبل تقضي حوايجها .
. وعلى قضا حاجتك رب البشر ناجه
الله هو اللي ليا ضاقت يفرجها .
. وان شفت امورك ماهي عدله ومنعاجه
ساير امورك على الراحه وعالجها .
. والرجل يعرف بمدخاله ومخراجه
ولاتقبل النفس غير اللي يخارجها .
. والناس للناس عند القل والحاجه
كم ناس ناس(ن)من الازمات تخرجها .
. وخاو الذي كالبحر بالطيب وامواجه
واترك ضعوف الرجال ولا تهرجها .
. رجل(ن)ليا جيت يمه طلق(ن) احجاجه
ماهو من اللي سواليفه يعوجها .
. واللي مخالفك في رايه ومنهاجه
قربك منه يتعبك وانفس يزعجها .
. وبعدك عنه يبعد الهاجوس وعلاجه
لا تجبر النفس في قربه وتحرجها .
.لوا تسكن ارض(ن)دهور ولا احد(ن)داجه
ارض(ن)خلي(ن) تبيح سد دايجها .
. ولوماوصل برها الجوال وابراجه
اخير من عشرت(ن) قشرا نتايجها .
عبدالعزيز ابن نومان 
لاضاق صدرك وزاد الضيق واحراجه 
العرض المتطور
