عيسى الحساوي ...

يابو زوايد شوف خلّي تعذَّر=كل ما اتقرب صار عني نحاوي
كنت احسبن حبه بقلبي تجذر=اليا جرحني يوم بكره يداوي
وكنت اعذره لاصار نوب يتعذر=ما يملك المحروم غير المناوي!!
وابا اعترف دايم بحبي مبذّر=اجيه كلّي ما حسبت الخطاوي!!
ما تذكر انك كنت دايم تحذر؟=احرص بغير الجمع تكتب يساوي!!
لكن حبيب الروح سيفه مشذَّر=وانا غديت بحال "عيسى الحساوي"
يمنى الكرم يشبع بها دابي الذر=ويمنى الردي عادت بحجرف شفاوي!!

نتظر رد ابو فيصل على القصيدة وللتزام في القافية كذلك !
ابو عبد العزيز صح السانك على القصيدة التي حركت مشاعرنا نحن القلوب الخضراء !!
ابداع جديد ينظم الى الابداعات السابقة ولايستغرب ذلك من شاعر بحجمك
تقبل مروري لك ((عندليب المجالس))
ودمتم بحفظ الرحمن

مجرد مشاركه مع تغيير الصدر والاحتفاظ بالعجز لتعذر القافيه يعني شابت

وفتح الباب وفزعه لبوفيصل وبتظار شاعرنا غازي بن عجاب الفريدي

عظم العرب شئ حدثلك مقدر = وياما على العاشق تصير البلاوي

السالمي ماقال بيته تهور = من واقع الحكمه بعيد الهقاوي

واللي نساك وللموده تنكر = وخلاك وسط الناس مثل الجلاوي

وقاطع وصاله يالفريدي له أشهر = وجرحه بقلبك مالقاله مداوي

خله يولي يوم خلك تغير = مايرجع المقفي كثير الشكاوي

وعمر الهواء دايم لذيذن قصير = ولولاه ماسجل جميل الغناوي

وأن طعت شوري ياخلف عنه خير = أنته ولد عتاق صلف العزاوي

صح السنتكم جميعا أبو عبدالعزيز وأبو عمر

قصيدة رائعه
بيض الله وجهيكم
وبانتظار أخينا أبو فيصل .

صح السانك ابو عبد العزيز
مداخلة رائعه جداً من الجضعان
بنتظار غازي عجاب ورده على الفريد!

اخوى
الشاعر العلم
خلف بن عتاق الفريد
صح لسانك ولاهان بن جضعان دائماً جزل يالفريد
وارجو ان تطلع على ردي بعنوان هاوي وعاوي
تحيتي

صح لسانك ابو عبدالعزيز على هذه القصيدة

وصح لسانك ابو عمر على مشاركتك بقصيدة

دمتم مبدعيين وبالقلوب متصافيين

علامات استفهام يضعها أبوعبدالعزيز بأبياته .

ويزيد الابهام أبوعمر بعلامات التعجب .

ولاندر وش يبي يقول أبوفيصل .

صحت معانيكم .

وفي انتظار أبوزوايد .

تحيتي وتقديري .

عندليب المجالس
تضل صاحب ابداع وحضور راقي
استثارة رائعة لشاعرنا ابا فيصل الذي ابدع في الرد
طبعا الشكر موصول لمراقبنا المبدع ابا عمر
دمتم جميعا هامات عالية وتيجان تزين صفحات مجالس العز والشموخ

ابو عبد العزيز
صح لسانك وبيض الله وجهك
وصح لسان ابو عمر وصح لسان ابو فيصل
لاعدمناكم