مايقنع الخبل لينه إيلامجها

عبدالله بن زويبن

سمعت لي كلمةً مـدري وش أقصاهـاحـزت بصـدري وانــا مـانـي بهارجـهـا

لـوكـل كـلـمـه الـــى جـتـنـا تبعـنـاهـابعـنـا الثميـنـه بسـعـرً مـــا يخـارجـهـا

لـو مـرت السمـع مــا كـنـا سمعنـاهـاونـقـفـل الـــراس عـنـهـا لايبرمـجـهـا

ومــن يــم هــذا لـهــذا مـــا نقلـنـاهـاوالنـاس واجـد وتلـقـى مــن يروجـهـا

ومـن جابـهـا بـيـن خـلـق الله ووداهــالـو بـه مراجـل تـرى نفسـه يسمجـهـا

ومن عامل الناس في سابق خطاياهـايقـعـد بـــدارً خـــلا مـــا داج دايـجـهـا

فـي كنـة ً تشـوي الجـربـوع رمضـاهـاتابس غصون الشجر مـن حـر واهجهـا

والناس بالحق حكم الشيخ ما أرضاهـاماتـرضـي الـنـاس لـوأنــك تحجـجـهـا

وياللـي تبـي الطيبـه خذهـا وعطنـاهـاخـــل الطـريـفـه طـريــه لا تثـلـجـهـا

وأقضب طريق الاوادم وامش ممشاهااتبـع دروب الـعـرب وانـهـج مناهجـهـا

وأرســم لنفـسـك أحـــدودً لا تـعـداهـامن حط نفسه بـدرب الضيـق يحرجهـا

وأن كـان نفسـك هواهـا قــام ينحـاهـاحـط الاعنـه بـروس الخيـل وأسرجهـا

وفـكــر بمنكـافـهـا قـــدام مـغـزاهــاوأضـرب احساباتهـا وتـشـوف ناتجـهـا

وكـلً بعـضـده يـمـوح الـدلـو برشـاهـاوتلقـى كبـود الضوامـي مـن يبرهجـهـا

وان كـان تـوك علـى صـدرك تهجـاهـاحـنـا تـرانـا نـــدرس فـــي مناهـجـهـا

مــن يــم مصباحتـهـا نبـعـد معشـاهـاالــى قـعـد راعــي الـضـلـع يـدرجـهـا

لوهـي صعيبـه الـى انعاجـت عدلنـاهـاواللـي تجـي مستقيمـه مــا نعروجـهـا

نهـتـم فــى وزنـهـا وأبـــرام معـنـاهـاومــن الكرسـتـال والـلـؤلـؤ نتـوجـهـا

مـثـل الجـواهـر الــى مـنـا نظمـنـاهـاواسلوكهـا مـن جديـد الـزري ننسجهـا

مخـايـلً تـرتــدم والـصــدر منـشـاهـاان دك بـالـبــال هــاجــوسً يهـيـجـهـا

واليا امطرت ضاقت الوديان في ماهاتأخذ الـى الحـول مـا يبسـت مدالجهـا

وأن صـدت النـاس عـنـا مــا تبعنـاهـامــا تقـفـي الـنـاس عـنــا وانتولـجـهـا

وأن جاتـنـا الطيـبـه بالطـيـب زدنـاهـاالطيـبـه بالعـسـل والسـمـن نمزجـهـا

وأن جاتـنـا الثانـيـه نـصـبـر ونـرفـاهـايمـكـن الــى فــاق راعيـهـا يعالـجـهـا

وأن عادهـا عـودة ً مــا عــاد ينسـاهـامن حربـة فـي صميـم الصـدر نولجهـا

مسمـومـة يبـلـش الدكـتـور بـأدواهــامايقـنـع الخـبـل لـيـن انــه أيلامـجـهـا