التوجّد

اهدي لكم هذه القصيده وارجو ان تحوز على رضاكم

	جو المطر والبرد فكري سروبه=مع لفح نسناس الشمالي وراها كن الشتاء تنفخ بجوفي هبوبه=نار التوجّد واتذكر غلاها ياوجد حالي وجد من شق ثوبه=وجد الهنوف اللي جداها بكاها يوم الملا اغلا عيالها حولوا به=بالحفره اللي لحفوه بثراها تنظر وكل ماشالت الرجل صوبه=تحس بالحسره وترجع وراها تقفي عنه نوبه وتنصاه نوبه=يمه وعنه تحير وجهة خطاها عليك ياللي من جماله.... عيوبه=يمشي مع البيض يتباهى بحلاها صارت عليّه ذكرياتك عقوبه=وانا احسب ان القلب صد ونساها ومن الحنين الروح جتك مغصوبه=تسوقها اللهفه عليك بعصاها جت لك عقب ماقالت العام توبه=عن الشقاء مستنجده في شقاها يا شمس ٍابطت بالغيوم محجوبه=مدري متى تشرق وتصفا سماها ان كانها ترجعك نخوة عروبه=تكفين انا روحي تزايد بلاها بس لا يغرك يوم جتك مغلوبه=واصحا ترى نفسك بتلقى جزاها وقلب ٍلعبتي به واخذتي ذنوبه=ماهو مسامح عن جروح ٍكماها الا بشيء من وصالك ينوبه=وينسّي الروح الشقيه عناها

عبد العزيز بن راشد السدحان

تنظـر وكـل ماشالـت الرجـل صـوبـه
تـحـس باالحـسـره وتـرجـع وراهـــا


قمة الجزاله والإبداع

صح لسان الشاعر وسلمت يمينكـ يابن سدحان ،،،



*ملاحظة إذا تسمح لي :-
عزيزي هذا القسم تم تخصيصه من قبل الإدارة ليكون لشعراء القبيلة
(الفرده) ..
فإذا كان قال القصيدة فريدي نرجوا إيضاح إسمه لكي يأخذ حقه من الإطراء ..
أما إذا كان قال القصيدة لا ينتسب لهذه القبيلة فنرجوا أن تكون هذه القصيدة في مجلس الشعر العام ..


ولك مني كل التقدير والإحترام



__________________________________________
** أخيكـ / أمير العاشقين **

اشكرك اخوي على الاطرا
وباالنسبه للقصيده فهي لي وقد شاركت قبلها بقصيده واذا نزلت قصيده ماهي لي اكيد اني ابكتب عليها منقوله

صح السنك ياابن سدحان ابدعت

بسم الله
حياك الله يابن سدحان
قصيده جميله وطلة اجمل
وقبل تساؤل اخي امير العاشقين لاحظت انا توقيعك وابياته الجزله الداله على شاعريتك وليس ذلك بغريب
شبل من ذاك الاسد
رحم الله ابا عبد الله راشد بن ساير ذلك الشاعر الانسان الذي كان يحمل صفات الرجوله والانفه، كرم ،فزعه ،شجاعه،خفة روح ، مرح، كنت اعرفه جيدا.
اهلا وسهلا مرة اخرى عبد العزيز الراشد
:confused: :confused:

المشاركة الأصلية كتبت بواسطة ابن سدحان

اهدي لكم هذه القصيده وارجو ان تحوز على رضاكم

ومن الحنين الروح جتك مغصوبه=تسوقها اللهفه عليك بعصاها
جت لك عقب ماقالت العام توبه=عن الشقاء مستنجده في شقاها

---

صح لساااااااااااااانك شاعرنا المبدع وكان الله في عونك
تقبل مروري ولك اجمل تحية

---

.................................................. ....................................فارس الحرف

المشاركة الأصلية كتبت بواسطة ابن سدحان

اهدي لكم هذه القصيده وارجو ان تحوز على رضاكم

جو المطر والبرد فكري سروبه=مع لفح نسناس الشمالي وراها
كن الشتاء تنفخ بجوفي هبوبه=نار التوجّد واتذكر غلاها
ياوجد حالي وجد من شق ثوبه=وجد الهنوف اللي جداها بكاها
يوم الملا اغلى عيالها حولوبه=باالحفره اللي لحفوه بثراها
تنظر وكل ماشالت الرجل صوبه=تحس باالحسره وترجع وراها
تقفي عنه نوبه وتنصاه نوبه=يمه وعنه تحير وجهة خطاها
عليك ياللي من جماله.... عيوبه=يمشي مع البيض يتباهى بحلاها
صارت عليه ذكرياتك عقوبه=وانا احسب ان القلب صد ونساها
ومن الحنين الروح جتك مغصوبه=تسوقها اللهفه عليك بعصاها
جت لك عقب ماقالت العام توبه=عن الشقاء مستنجده في شقاها
يا شمس(ن) ابطت باالغيوم محجوبه=مدري متى تشرق وتصفى سماها
ان كانها ترجعك نخوة عروبه=تكفين انا روحي تزايد بلاها
بس لا يغرك يوم جتك مغلوبه=واصحي ترى نفسك بتلقى جزاها
وقلب(ن)لعبتي به واحذتي ذنوبه=ماهو مسامح عن جروح(ن)كماها
الا بشيء من وصالك ينوبه=وينسّي الروح الشقيه عناها

صح لسانك

بن سدحان

صح لسانك يا ابن سدحان

ابن سدحان

صح لسانك ..... قلت فابدعت ..........

وليس بغريب الابداع من اهله .......... كفو يبن سدحان

نشكرك على اهدائاتك لمجالس ربعك عيال راشد

ونتمنى ان تتحفنا بالمزيد ....... من الجديد


اقبل اجمل تحية