قصايد اسمنتيه

يقول الشاعر : ضاوي العصيمي

قالـوا نبـي مـن قصـايـدك الغرامـيـهقلـت الهـواء والغـزل قفـلـت بيبـانـه

انــا مــن الليـلـه افـكـاري أسمنتـيـهحـديـد وبـلـك وسـمـنـت وخـرسـانـه

ولاعـاد لـي هـم شاغـل غـيـر هـاذيـهقواعـد البـيـت وجـسـوره وعمـدانـه

احـلـم بـفـلا عـلـى ذوقـــي خيـالـيـهتـكـون بـيـن المـبـانـي كـنـهـا دانـــه

انسـى بهـا ايامـي اللـي شيبـت فـيّـهويصيـر لـي مـع هواميـر البلـد خـانـه

احـلام ميـر الحقايـق جـات عكسـيـهواصبحـت مـديـون والجـيـران ديـانـه

وقام المقاول يهدر وتضـرس اللحيـهباحـت فلـوسـي وقــام يـحـد نيبـانـه

مـن عقـب مانـي بعمـه نعنـبـو حـيـهالـيـوم مـاكـنـي الاضـمــن صبـيـانـه

ان قلـت راع الظـروف وزيّـن النـيـهواصبر وياصلـك حقـك حومـر اعيانـه

قـال ايـه هـاذي سواليـف الحرامـيـههـات الدراهـم تـرى الاخـلاق تعبـانـه

عـــودت أعـــزم واروّح للشريـطـيـهواخــذ ونيتـيـن والتقـسـيـط بثـمـانـه

واعطى المقـاول ثمنهـا شبـه جبريـهوالراتب اقساط من راسـه لكرعانـه

والـورع وامـه يبـون اشيـاء ضروريـهوالتـاجـر احتـدنـي مــن دون دكـانـه

يقـول للفـقـر فــي نظـرتـك مـاريـهودفاتـر الديـن مـن شــرواك مليـانـه

وعــوّدت لاجـبـت لاهـــاذي ولاذيـــهوعزي لمن راح وانكف ماقضى شانه

الـعــذر مايـقـنـع المـحـتـاج مـولـيـهوالمزح ماهوب يرضـي نـاس زعلانـه

مغيـر اروّح بهـم فــي كــل عصـريـهللبـيـت ونـمـتـر الاضـــلاع واركـانــه

ونحـاول نعيـش وسـط احـلام ورديـهمابيـن غرفـة فــلان وغـرفـة فـلانـه

وأن مـرنـا مــن جماعتـنـا الـزراويـهلاشافنـي قـال ذا ضــاوي وورعـانـه

يبـغـا الفـوائـد وحــول لــه بـدهـويـهوقـام يتهكـم وفـيّ يـجـرب اللسـانـه

طلعـت للشمـس وانـا كنـت بالفـيـهوضحك بي اللـي يشـح بـزاد ضيفانـه

يازيـاد مافـي قلـوب الـنـاس مـاويـهلـكـن شـكـواى للمـعـبـود سبـحـانـه

مجاراة الشاعر/ فهد بن متعب الديـري

ضـــاوي قلـبـهـا مـنـاحــه للهواويــــهوانـــا سـرتـبـي طـواريـقـه وقـيـفـانـه

ووردت عــدٍ رشــاه يخـاطـف إ دلـيــهدلــو تـصـدر خـفـيـف ودلـــو ملـيـانـه

وامسيـت اديـر الفكايـر واسـوي النيـهواصبـحـت ولْـيـا الـفـرج فـتـاح بيبـانـه

ياضـاوي الـراي عـنـدي والعـمـل نـيـهالاول الله والاخـــو لـوقـفــة اخــوانــه

ان طعـت شـوري تـرى ربعـك نـداويـهنـبـي إنـخـل المـقـاول يـبـلـع إلـسـانـه

نـبـا انـتـعـاون عـلـيـه ونـعـلـن الـهـيّـهولاشاف ضرب ام خمس ايعرف عمانه

والجـايـد إيـجــود وارزاقـــه سـمـاويـهوالـنــاس لـلـنـاس مـديـونـه وديــانــه

والله مـــا صـــد والـعــزوه شـبـابـيـهتابـى المـروّه عـلـى حـروبـه وعتبـانـه

وكــل القبـايـل لـهـا الامـــداح مثـنـيـهوالطيّـب ونعـم مـن حـضـره وبـدوانـه

يـاالله عسـى ضــاوي إيخـتـم الثلاثـيـهب إسمه ثلاثي .. وبحسابـه .. وعنوانـه

والــلــي يـبـيـهـا فـكـاهـيـه فـكـاهـيـهلـكّـن لاتــروح فـلـة ضـــاوي إرهـانــه

صح لسان
الشاعر ضاوي العصيمي
وياكثر من يعاني معاناته

ياالله عسى ضـاوي إيختـم الثلاثيـه
ب إسمه ثلاثي .. وبحسابه .. وعنوانه

واللـي يبيـهـا فكاهـيـه فكاهـيـه
لكّـن لاتـروح فلـة ضـاوي إرهانـه

المصدر : قصايد اسمنتيه

صح لسان
الشاعر فهد متعب الديري
وبيض الله وجهه وفى وكفى
والف شكر اخوي على الاضافه لاهنت

مسجله جمعت بين الفكاهه واأجتماعيه

صح لسان ضاوي وفهد

وابوحمود تسلم ع الاضافه

الله يعينه على المقاول

لاهنت على الاختيار الجميل

تحيتي وتقديري

مساجلة فكاهية رائعه
صح لسان العصيمي والله يعينه على معاناته
وصح لسان ابو متعب على هذه المعارضه
وكفو والله تقول وتفعل يابن حرب
ورحم الله والدك الصديق الحبيب
متعب الديري شاعر حرب الكبير
،،،
شكرا لك سبع الغداري
عادتك اختيار الجميل يابو حمود
لاعدمتك
،،،

اختيارك راق لي كثيراُ
تسلم على الاضافة الجزلة
تحياااااااااتي لك

الف شكر لكم على المرور العطر

سبحااان الله
الشااامخ مايأأأتي الا بالقصااائد الشاااامخه
دخلت جو عمااار معها لانه كد مر علي اعوذ بالله وعسى الله يعين المسلمين
ببصدق اللي يعمر له بيت يرتاااح عسى الله يجعل لنا ولكم بيووت يالجنه تحيه اخي الغالي

والســـلااااام