وصفة الدكتور

قصيده قديمه كادت ان تندثر
اتمنى ان تنال اعجابكم ..

فقط..من كثرة التفكير.!! لاساحر ولا مسحور=تراودني ببالي فكرةٍ وازريت اسويها
صبرت وقلت ابااصبر طول عمري والزمان يدور=ولاادري كيف ابااصبر يوم بانت لي مواريها
ولكن مالي الا اكتب قصيدة خاطرٍ مكسور=عسى كل البيوت اللي كتبها نحتفظ فيها
قصيدة خاطرٍ لاضاق يكتبها بدون اشعور=يوجهها على كل اتجاه ولايداريها
اعاني ضيقةٍ زادت لها عام وثمان شهور=واذا زادت تجي من كل صوبٍ قل واليها
مشاكل كل مشكلةٍ على عنوانها محظور=ياما صار في عنوانها والا يباريها
ابي منها السلامه مير جا للحظ فيها دور=وحظي خابره وده يكحلها ويعميها
لاجيت اصد عن كثر الكلام ولجة الجمهور=والامني بديت الخطوه ادري وين ابنهيها
لقيت اللي يبي له مصلحه يضحك يلف يدور=على كلمه وراها حاجةٍ بالنفس ناويها
وكلمة ماعليكم زود او ماجاه منك اقصور=ترا ماقالها الا لحاجةٍ في يدك تعطيها
على كثر الرياء بين العباد وشاهدين الزور=كثر مابه عبادٍ عافوا الدنياء ومافيها
ومن يسأل مجرب يكتفي عن (وصفة الدكتور)=يعلمك بمرارتها وحامضها وحاليها
انا مالي دخل..!غير اني اكتب مأملكه بسطور=انا كاتب فقط..! والا انت سامعها وقاريها
انا ارجوا منك لامني سهيت تقول لي معذور=وانا افداك بحياتي من مباديها لتاليها
ترا من كثرة التفكير نوب اجي مطف النور=امد اخطاي بالظلماء ولاادري عن مواطيها
وانا لو اني اقابل عدوي قلت له مشكور!=مدامه يعترف لي بالعداوه مايخفيها
ولا اقابل صديقٍ يبتسم لي حاقدٍ مقهور=يحفر حفرةٍ قدام رجلي لين اقع فيها

اخوى
نواف بن هلال
صح لسانك يابن هلال قصيده اعجبتني كثيراً
ورددتها من الاعجاب بها سلمت ودمت ولاهنت
وننتظر القادم الجميل فلا تحرمنا جديدك أيها الشاعرالمبدع
وشكراً لك الاضافه الجميله الرائعه
تحيتي

اخوي نواف


صح اللساااااانك ولاهنت وسلمت ودمت



واااااافيه من راس وااااافي



لاعدمتك يابعدي

للــه درك يـابو واافــي صح منطــوقــك

وبيــض اللــه وجهــك

تقبــل مــروري واعجـابي

رائعه جدا راقتـ ليـ معانيها
صحـ لسانكـ نوافـ

وانا لو اني اقابل عدوي قلـت لـه مشكـور!

مدامـه يعتـرف لـي بالعـداوه مايخفيـهـا

ولا اقابل صديـقٍ يبتسـم لـي حاقـدٍ مقهـور

يحفر حفـرةٍ قـدام رجلـي ليـن اقـع فيهـا

المصدر : وصفة الدكتور

الشاعر
نواف هلال
لله درك وصح لسانك مليون

تسلم على الرائعه من روائعك

وين الغيبه نبي الغنايم

صح لسانك يابو وافي
ابيات جزله وعادتك الجزاله

دمت ودامت قوافيك

تحيتي وتقديري لك

اخوي نواف
غيابك ك غياب غواص
يخرج بعد ما أبحر بأثمن الجوهر
وأنت كذلك
بهذه الأبيات الجوهرية
صح لسانك وسلم رأسك
تقبل مروري واعجابي بها

مجموعة أمثلة ثمينة .. صيغة بأدوات شاعر محترف .

فأنتجت نص راقي ..

حضور متميز أخوي الشاعر / نواف بن هلال .

صحت معانيك .

تحيتي وتقديري .