( ربّـعي يالوضح )

هذه القصيدة : للشاعر الرائع راع البل / زيد بن راجح البقمي . ربعي يالوضح في ظل أخو نوره=واعبري شرق الجزيرة وغربيـة وأجنبي مابين نجران وشـروره=واشملي حتى الحدود الشماليـة صاحبك مافي يده غيـر باكـوره=ويتنقـل فـي الديـار الخلاويـه لا يخاف ولا حد ٍ يجرح شعـوره=العبـاد خـوان والـدار محميـه الله انه يرحم الرمـز الأسطـوره=قايد ٍ وسـع حـدود السعوديـه جاء وهي نار ٍ مثل نـار تنـوره=والقبايل حرب وأوضاعهم سيـه جاء يقيم العدل والشرع دستوره=ويحكمها بالنصوص السماويـه يردع المغرور ويحطـم غـروره=ويتكفـل بالثـلاث الضـروريـه من قراء التاريخ واستلهم سطوره=شاف وش بين الشقاء والرفاهيه رفرفي يا رآية العـز منصـوره=في ذراء شقر الحـرار النداويـه قادة الشعب السعودي ومذخـوره=لا نفـذ صبـره وردد عزاويـه كلنا في ساحة العز أخـو نـوره=دون شبر ٍ من حدود السعوديـه

صح لسان راع الوضح
وتستاهل اللي يمشيلها من نجران للحدود الشماليه
والله يديم عز السعوديه واخوان نوره
بيض الله وجهك ابو عبد السلام على الاختيار لاهنت

دام تواجدك الرائع والمتميز عن غيره .

أبــوحــمــــد .

ووجهك أبيض ولاشنت .


تحيتي وتقديري .

تعبهـــا راحـــــه الوضـــح صــح لســــان الشاعــــر
واللــــه يحفـــظ لنـــا اخـــــوان نــــوره
سلمــت يمنــاك ابــو عبدالسلام

وسلمت أخي المبدع / عبدالعزيز بن نومان .

ودام حضورك وتميزك ونقدك .

تحيتي وتقديري .

الشاعر العذب
اخوي نواف فارع الفريدي
لاهنت على نشر هذه الأبيات اللي تنومس أهل الابل
والبل والله تستاهل من يمشي لها
صح لسان الشاعر ولك كل الشكرعلى الاضافه الرائعه
تحيتي

أرحب تراحيب المطر /

شاعرنا وناقدنا : أبوفيصل .

دام مرورك وحضورك .. وسلمت معاني كلماتك .


تحيتي وتقديري .