يالقبر وينه

أيها الأخوه هذه مرثيه قلتها بعد وفات والدي غفر الله له
أحببت إطلاعكم عليها وأرجو منكم الدعاء له بالرحمه والمغفره
القصيده:-

ياقبر وينه واحدٍ ساكنٍ فيك=ياقبر خبرني ترى فيك غالي
ياقبر يوم آروح وآعود وآجيك=بلاي والله ضايقٍ منك بالي
فيك الحنون بدون زيفٍ وتشكيك=أمسى وحيدٍ فيك واهضم حالي
إمن أولٍ يابوي عندي وأسليك= واليوم هذا فرقتنا الليالي
واشيب عيني كيف يابوي أواريك=وسط الثرى واضفي عليك الرمالي
لو تنفدي يابو والله لفديك=لفداك بالروح العزيزه ومالي
لو كان أعيش العمرعيشة صعاليك=ولو إن رأسي ترهنه للرجالي
ولو إنها بالهوش والله لذريك=ولتشوف فعلٍ مثل فعل الهلالي
لتشوف فعلٍ يابيض الوجه يكفيك=يكفيك ذكره لاحصله مجالي
لاشك حكمة خالق الخلق ترضيك=آمنت بالمعبود مرسي الجبالي
ياطول ماناديتني قلت لبيك=وأفرح إليا من قلتلي ياحلالي
وياطول ماترتاح وأنا حواليك=وأرتاح أنا يابوي يومك قبالي
واليوم وينك عن نداء من يناديك=ماغير أصفق في يميني شمالي
وجدي على شوفك وتقبيل أياديك=وجد الوحيد اللي حدوه العيالي
لحقوه عدوانه حداما مداريك=طلابة للثأر ياهملالي
حافي على رجليه ماله مساليك=في قاعٍ أجرد وسط هاك السهالي
أرحمهم اللي بركه بس تبريك=قطع عراقيبه ولقاه صالي
وحطوه شاره للقصار المشاويك=ومن قبل ذبحه نكلوبه نكالي
وجدي مثل وجده ودمعي ينبيك=عن حالتي يابوي مما جراء لي
مالي جدى إلا هلت الدمع وأبكيك=ليين دمعي جف واعزتالي
وأطلب لك الغفران من عند واليك=يشملك في عطفه عزيز الجلالي
يامالك الدنيا وحنا المماليك=أنت الوجود وماسواك الزوالي
أنت الذي ياخالق الخلق نرجيك=يارب تقبل طلبتي وإبتهالي
تجعل مقرّه جنة الخلد عن ذيك=في رحمتك يامن عليه إتكالي
ويابوي والله ماسلى قلب غاليك=إليا ذكرتك هل دمعي وسالي
يابوي عذري منك ماني بناسيك=هذا إعتذاري منك بإخرمقالي
وفي ختمها مني صلاتٍ وتبريك=على شفيع الخلق بإول وتالي

وســـــــــــــــــــلامـ ـــــــــــــتكم

الله يرحم الشيخ عجاب بن ناصر ابو زوايد ويسكنه فسيح جناته

صح لسانك ابوفيصل على المرثيه .

عليه رحمة الله وعفوه وغفرانه
انشالله
ويسلم السانك وبنانك

اللهم يامالك الملك ..

ويامالـك الدنيـا وحنـا المماليـك=أنت الوجود وماسـواك الزوالـي

اغفر لعجاب بن ناصر وأسكنه فسيح جناتك .. وجميع موتى المسلمين .

وسلمت أبوفيصل من كل شر .. العمر كله انشاء الله .

تحيتي وتقديري .

يـــامـــالـــك الـــدنـــيـــا وحـــــنـــــا الــمــمــالــيــك

أنــــــت الـــوجــــود ومـــاســــواك الـــزوالــــي

أنـــت الـــذي يـاخـالـق الـخـلـق نـرجـيــك

يــــــــــارب تـــقـــبــــل طــلــبـــتـــي وإبــتــهـــالـــي

تـجـعـل مـقــرّه جـنــة الـخـلـد عـــن ذيــــك

فـــــي رحـمــتــك يــامـــن عــلــيــه إتــكــالــي

ويــابـــوي والله مـاســلــى قــلـــب غـالــيــك

إلـــيـــا ذكـــرتـــك هــــــل دمـــعـــي وســـالـــي

يـابــوي عـــذري مــنــك مــانــي بـنـاسـيـك

هـــــــذا إعـــتــــذاري مــــنــــك بـإخـرمــقــالــي

وفــي ختمـهـا مـنــي صـــلاتٍ وتـبـريـك

عــلـــى شـفــيــع الــخــلــق بــــــإول وتـــالـــي

المصدر : يالقبر وينه

دائما وافي في قصيدك
لاسيما في بر الوالد جعل الله مثواه الجنة ووالدينا والمسلمين
صح لسانك والبقا برأسك

يــامـــالـــك الــدنـــيـــا وحــــنــــا الـمــمــالــيــك

أنــــــت الـــوجـــود ومـــاســـواك الـــزوالـــي

أنــت الـــذي يـاخـالـق الـخـلـق نـرجـيـك

يـــــــــارب تـــقـــبـــل طــلــبــتـــي وإبــتــهــالـــي

ابوفيصل الله يرحم ابوك عجاب ابوزوايد الفريدي هذا الرجل العلم الذي

يشهدله تاريخه المجيد ومهما تكلمت عنه أكون مقصر يعجز

الكي برد سرد محاسن وشجاعت هذا الرجل العملاق

الله يرحمه رحمة واسعه ويجعل قبره روضه من رياض

الجنه

وصح لسانك والله يقبل دعائك ودعائنا

وعزانا فيه أنت عساك بالوجود سالم وغانم

هذا الشبل من ذاك الاسد

الله يرحمه ويغفر له ويجازيه بالحسنات احسانا وبالسيئات عفوا وغفرانا ..
أمين ..

رحم الله والدك
الاسم العلم
عجاب بن ناصر ابو زوايد
ووالدي واموات المسلمين
وصح لسانك مليون يابو فيصل
قصيده معبره وجزله في رجل جزل لاهنت

يقولون البقاء براسك وانا جسمي بليا راس
......................... يقولون البقاء براسك وانا فاقدك ياراسي
هدمك الوقت ياضلعٍ لقيت بفيته مجلاس
.........................عقب ماني بظله صار حدر الشمس مجلاسي

(( من مرثيه قديمه لاحد الشعراء في والده ))

تغمد الله روحة وروح كل مسلم الجنة
صح السانك على القصيدة الرثائية في والدك الله يرحمة
تقبل مروري واجمل التحايا

عندما نتذكر الغائبين الغالين
تنتابنا الوحشة والوجد
ننتظرهم كل يوم على احر من الجمر
،،،
فما بالك بمن لاترجا له عوده ولا به لقاء
وما بالك بمن هو اعز غالٍ في غيابه وحضوره
،،،
انه احد الاصلين الخالدين
احد الوالدين
،،،
عادت بك الذكريات ابا فيصل ولا شك !!
فالهبتنا معك بهذه الكلمات الدامعه ...
تعزي نفسك بكلمات تنضح وفاء وشموخ
ولا شك انك تعزينا معك..
،،،
يرحم الله ذلك العلم الذي عاش كبيرا ومات كبيرا
وبقي ذكره كبيرا...
رجل دنيا ودين ...
،،،
ولامات من خلف رجالا مثلك واخوتك الكرام
والبقا براسك لاعدمناك ولا عدمنا مشاعرك
وصح لسانك مليون
....