حل الرحيل وفرقوا شمل الاحباب للشاعر السديري رحمه الله ..

حل الرحيل وفرقوا شمل الاحباب
ناس على فرقا الاحبه مغاليل

غدى لهم مع طلعة الشمس ضبضاب
وسالت دموع العين مثل الهمايل

وقفت اراعي سيد تلعات الارقاب
واغضي وهو يغضي بسود مظاليل

بشفاه يظهر ماتخفى بالالباب
وبشفاي افصل له عن الحال تفصيل

اسرار ود بين صايب ومنصاب
نجوى لها باقصى الضماير مداهيل

سراير تنساب من تحت الاجياب
لصدور اطهر من قراح الشهاليل

روحي على حبه لها كم جذاب
ويتل قلبي عذب الانياب بالحيل

لوان حبه يطعن القلب باحراب
ابرى ليا شميت بيض معاسيل

على نقا ماني بغادر وكساب
وبالعرض والله ماندور محاصيل

ماني بمن يجرح عشيره بالاسباب
ويحط له مع كل ريع محابيل

بس الحديث وقرعة الناب بالناب
واظهار مكنون الغلا والتعاليل

عزي لمن مثلي من الحب منصاب
تارد عليه هموم قلبه زعاجيل

اليا رقا مرقاب ناداه مرقاب
بمفارق الخلان شاف الغرابيل

الله لايجزي عريبين الانساب
لو هم على ماقيل سو على الخيل

الي سعوا بافراق وضاح الانياب
وخلوني اجزع من عنا الغبن واشيل

فرقا ومنها القلب وسط الحشا ذاب
وعسى هل الفرقا لهم صافي الويل

عسى يصادفهم من الغيث سكاب
وبله غضب مابيه يمطر لهم سيل

ابيه يجدع مثل قلات الاطواب
منها البرد ينماز كبر المخاليل

وصواعق منها المواليد شياب
والحي منهم ذاهل العقل بهليل


بامر الكريم ومن ترجاه ماخاب
يمطر عليهم مثل ماجا هل الفيل

الا لطيف الروح يذريه بحجاب
كنه براس الطور وهمه ورى النيل

ويرجع علينا جادل يزها الاسلاب
من خلقته مانيش عرضه ولا قيل

به مايعيبه للبعيدين واقراب
حاشا ولا تلقى عليه المداخيل

نقي عرض ولا عشق كل نصاب
الجوهر الغالي رفيع المناويل

وانا يصارحني بلا سر وكتاب
وعن حالته يشرح لي العدل والميل

هرجه على قلبي كما الشهد ينذاب
وقلبي على قلبه يرد المراسيل

كنه بعيني لو غضب كل عتاب
بدر تعلى كوكب الجدي وسهيل

طفل سلب مكنون عقلي والالباب
عليه اجاوب نايحات البلابيل

ياشطون قلبي زجي السر بكتاب
مني لابو غشام زبن المشاكيل

قولي رفيقه من هوى الزين ماتاب
ويرجيه رجو البدو وبل المخاييل

وبالليل ياقف له عن النوم حراب
وكنه يلوج بموق عينه سماليل


كلماات الامير الشاعر محمد الاحمد السديري

اسرار ود بين صايب ومنصاب
نجوى لها باقصى الضماير مداهيل

سراير تنساب من تحت الاجياب
لصدور اطهر من قراح الشهاليل

روحي على حبه لها كم جذاب
ويتل قلبي عذب الانياب بالحيل

الله اكبر على التوضيف
وقوالمعاني
للشاعر السديري
؟لاهنت؟
اخي
على الاختيار الموفق
دمت طيب وطاب حضك
وتقبل تحياتي

رحم الله الامير محمد السديري
ولاهنت اخوي على النقل والنشر
تحيتي

صح السان الشاعر وصح بدنك على النشر

ذع ذااع نقل يعتلي حروفة الجمال

الف شكر ع الاختيار لاهنت

ياهلا فيكم ومرحبا ..

شكرا اختنا القديره ريم ..

هلا وغلا بالقديره ريم