صبرك على ربعك علاج وتطابيب**اقصر احبال السالفه لاتطولي لافي الغيداني ..

يامكثرين الهرج لااسمع ولا اجيب=تريحوا من فضلكم واسمحولي
تريحوا لا تلحقون المشاهيب=على الردا ماني شفوق عجولي
بالعقل والصبر ادب النفس تأديب=ولا لها مده تصول وتجولي
خلج ترازم في سياج المحاديب=مافيهن اللي بالعقال امعقولي
اشد وطية زور من شمخ النيب=اليا ضاع مفعول الحيل والحلولي
انا لاقلت ارتب القول ترتيب=حتى يجي فعلي على قد قولي
اليا ارسلت لفكار القريحه مناديب=ترايعن من عقب ماهن جفولي
لكن مالي من وراها مكاسيب=ولوكان عشاق القشر صفقولي
مامستفيد الا العدو والاجانيب=ولا ني مطيع مقرقعين الطبولي
خليتها تعطي فجوج مجاديب=جرباً تجود في رسنها مهبولي
والله لا جنب دام لي درب تجنيب=من شرهة حشام الرفاقه خجولي
لاونها بين النحر والتلابيب=من الحيا وجهي مهوب مغسولي
طبع لنا نشب عليه ونشيب=وطبيعةٍ لعلها ماتزولي
على الجماعه للجماعه مواجيب=الياجهلوا قدر الرفيق الهتولي
ماني على ربعي قريّب محاضيب=ادناة مايخليني اسرج خيولي
ان جات من طيب شقاها على الطيب=لاونها اعوج من ارقبة الذلولي
ون جات من مسكين منطق واساليب=حطيتها بين الثرى والنعولي
لاحركة شعره ولا طلعت شيب =ولاضيقت صدري ولاطق جولي
ون كان في صبري على ميلهم عيب=العيب تفتيش الصرر والحثولي
لاقمت تذكر في رفيقك عذاريب=تبيّن عيوبه لذولا وذولي
صبرك على ربعك علاج وتطابيب=اقصر حبال السالفه لاتطولي
حتى مايلقلى في طرفها مقاضيب=كراه خير وللمشاكل ميولي
وليابليت بتايهٍ شره وصعيب=يقول انا العراف وانت الجهولي
قل الله الله ياحصان الاطاليب=يالفاهم العالم عطيب الفعولي
هذا الكلام اللي مافي صحته ريب=لانيب لاحولك ولا انته بحولي
حصان وابن حصان طيب مجاذيب=وبالمعرفه رجلٍ محلي ودولي
خله يروح ويخطي الدرب ويصيب=يقول مابالناس عرضي وطولي
والفرق ماهو باللحا والاشانيب=الفرق بين الناس فرق العقولي
كم واحدٍ تحسن به الضن ويخيب=السن يضحك والفواد امعلولي
واللي غدت به كلمةٍ مالهاغيب=ماهو من اطيب ربعي اللي غدولي
يالله عساهاصيحةٍ في قفا ذيب=وقلع النيا بيني وبينه يحولي
الرجل مايغصب على الطيب تغصيب=الياصار ماهو دل ضمن الدلولي
من عادت اللي طيبه يحضر ويغيب=لاطالت الرفقه زهوقٍ ملولي
اليابلنك غبر الايام بصحيب=في مستوى طيبه صعود ونزولي
اعرف ترا الدنيا دروس وتجاريب=والكامل الله والنقا للرسولي
لا تصير مشذابٍ يقص العراقيب=خله وراعي لوله وش يقولي
اخذت حكمه من كلام اللواعيب=للطيب ناس وللعذارى فحولي

لافي حمود الغيداني

صح لسان الشاعر لافي الغيداني
ولاهنت ذعذاع الشمال على النقل والنشر
تحيتي

صــــح لســـان ابــو حمـــود
يعطيـــك العافيــه اخــوي ذعـذاع

حياكم الله ..

ياهلا بالجميع ..

يامكثرين الهرج لااسمع ولا اجيب** تريحوا من فضلكم واسمحولي
تريحوا لا تلحقون المشاهيب**على الردا ماني شفوق عجولي

المصدر : صبرك على ربعك علاج وتطابيب**اقصر احبال السالفه لاتطولي لافي الغيداني ..

شكرلك ذعذاع الشمال

صح لسان الشاعر
حمود لافي الغيداني
ولاهنت ياذعذاع على الاختيار

ياهلا فيكم .
شكرا للقدير اخوي الغالي ابو حمد ..

صح لسان الشاعر
لافي الغيداني
ولاهنت ياذعذاع على الاختيار
تحيتي لك

مشكور بالغالي القدير عبدالعزيز العبلان