قصيدتي في والدي اطال الله في عمره

اعزائي اعضاء ومراقبين ومشرفين وزوارمجالس الفردة كل عام وانتم بخير بمناسبة السنة الهجرية الجديدة اولا اعتذر عن قلة مشاركاتي لظروفي ثانيا احب اهديكم هذه القصيدة واللتي كتبتها في والدي حفظه الله وامد في عمره على طاعته الوالد الله يجزاه واياكم خير صاحب طاعة ومن صفاته مايحب يتكلم في احد غايب الابخير واناما امدحه كل ربعنا اللي يعرفونه يشهدون لي وذات يوم جاء عنده شخص لايعرفه حق المعرفة وبدا يحش بالاجواد ذا ناقص وذا زايد وقاطعه الوالد بكلمته المعهودة دع الناس, الله يهديك دع الناس الله يهديك ولم يستجب فنهره الوالد للمرة الثالثة قائلا فتش نفسك اولا ودع الناس عنك فرد الشخص وش فيها نفسي قال الوالد اذا انك ملزوم تفتش عيوب الناس ففتش نفسك اولافصمت الشخص وذهب وهجر مجلس الوالد وبعدها جتني اخبار انه يصرح في جلساته الخاصة عند بني جنسه, انه بيكتب قصيدة هجاء بالوالد فكتبت هذه القصيدة للوالد ووصلتها للشخص بطريقة غير مباشرة وفهمها الرجال وكف شره, والحمدلله واليكم القصيدة امل ان تنال اعجابكم طبعا القصيدة قديمة وليست من جديدي

يابويـه آمـر خدمتـك قـدر ماطـيـقلجلـك يصيـرن الصعـايـب سهـايـل

عـنـدك حــرارن كلبـونـا مطالـيـقنفرك عـرام الضـد لـو جـاك عايـل

اضربنـا النعسـان ليـن انــه يفـيـقوادحـم بنـا جنـب الزمـن لاتمـايـل

رهن الاشارة في جميـع الطواريـقبالبـرد ولا حــدر شـمـس القـوايـل

حقـك علينـا كبـر ابانـات وطـويـقوالنـيـر وجـبـال المديـنـة وحـايــل

ياواحـدن يــازن جمـيـع المخالـيـقكــل الـبــلاد شعـوبـهـا والقـبـايـل

ياليت والله من قفص صدري تويقيـامـن تـصـدر للصـفـوف الاوايــل

يامعلقـن نصـف الرياجـيـل تعلـيـقبالديـن والدنـيـا وبـاقـي الخصـايـل

يابهجة ضيوفن يجونك علـى الريـقجارن عليهـم فـي سفرهـم هوايـل

راعـي دلالـن مثـل لـون الغرانيـقعـلاج مـن يشكـي الخـوا والغلايـل

وصيانـيـن ماتنـحـمـل بالمعـالـيـقتزبـر عليهـا الـكـوم مـثـل النثـايـل

وجنابن الين من رفا القطن ترقيقوصـدرن صفـاتـه نــادرات قـلايـل

رحابتـه تبعـد عـن الضايـق الضيـقتزيـح عـن بـالـه كئـيـب المسـايـل

في حال وإلا حال ماتنوهـط ضيـقلا غلـقـن دون الـسـلام الـوسـايـل

وقت القشر بحلوق عدوانك عليـقتركي علـى كبـد الخصيـم الملايـل

مدهـال وافيـن الخصـال العماليـقدايــم محلـلـك ماتـجـيـه الهـتـايـل

اهـل النمـايـم جامعـيـن التلافـيـقالـلـي يـبـون المرجـلـة بالتـحـايـل

وانته عليـك الهـون ياراعـي زريـقمالـك ومـال اللـي بـرز بالجمـايـل

من قاعـة الدنيـا تبـي قمـة طويـقكانك تطاول للسماء مانـت طايـل

صح إلسانك ع القصيده .. الله يطول بعمر والدك ويحفظه ويخليكم له ..
الهرج والحش بالناس صفات مذمومه .. الله يبعدنا عنها
تحياتي وتقديري ..

صح لسانك قصيدة رائعه
اطال الله بعمر الوالد على الطاعة
واكل لحوم البشر صفة قبيحة
حرمها الاسلام

صح بدنك وجزاك الله خير اخوي عطر الشوق اشكرك على المرور وتقبل تحياتي

صح بدنك اخت ريم الف شكر على الاشاده والمرور

صــح الســانك واللــه يطــول بعمـــر الــوالــد دمــت ودام تــواجــدك

اخي الشاعر علي اشهد بالله شهادة حق

اعرفه حق المعرفه
اطال الله بعمره ورزقكم الله بره

صح لسانك جزل وبدع بحر وقافيه
ومهما قلت او قلنا
قليل بحق ابو صالح
لك اجمل تحياتي ومودتي

صح بدنك اخوي عبدالعزيز وجمل الله حالك وشكرا على المرور

اخوي ابو وافي صح بدنك وجزاك الله خير وشكرا على المرور

صح السانك على القصيدة الجزلة

ويستاهل الوالد هذه القصيدة واكثر