ارجوك بعض المشاعر لاتهزهزها

ارجوك بعـض المشاعـر لاتهزهزهـا= تـرى المشاعـر تألـم عنـد راعيهـا
ترى النفوس العزاز الهـا حواجزهـا= وحواجز النفس ستر (ن ) من خوافيها

لا تقول لك كلمة (ن) تحسبك تحرزهـا= وتطيح لاقمـت منهـا منـت قاويهـا

وان قلت لك كلمة (ن) حـاول تركزهـا= ولا ترى الصمت خير (ن) من حكاويها

ودعواك لاصـار مـا تقـدر تنجزهـا= ازبن على واحد (ن) ساعـه وينهيهـا

ولا تجـود علـى صبـر (ن)يعجزهـا= وتجيك في وسـط بيتـك مـا تناديهـا

وكم واحد(ن) حاجتها بالصدر يكنزهـا= من قل مـن يستمعلـه يـوم يبديهـا

يخشـى مـن اللـي يهمزهـا يلمزهـا= يضحك بعض ناس لاكن ناس يبكيهـا

وشكواك لابن الردي حـذر(ن) تعنزهـا= يفضحك وتروح فيهـا وانـت كاميهـا

وعليـك تكبـر ولا تـقـدر تميـزهـا= وتضيع في طوشة(ن) تبلـش بتاليهـا

والسالفـه يقـدر الـواحـد يلفـزهـا= ويقدر على ناس من شكلـه يمشيهـا

ولاتشغلك حرمة(ن) منـت متجوزهـا= تطرد وراهـا وغيـرك يهتنـي فيهـا

ولا يفرحك شوف الارنب لـو تنقزهـا= مـادام مـا شفتهـا بالنـار شاويهـا

ولاتحسب (ن) الذهب باي يد(ن) يزهـا= ترى الذهب مـا يغيـر لـون اياديهـا

والنفس حاول بحـد اقصـى تعززهـا= نفس(ن) بـلا عزهـا مانـي مداريهـا

والنـاس لاتقـوم بعيونـك تخـززهـا= احمد على العافيـه واسلـك مماشيهـا

ومن طاوع النفـس تشقيـه بغرايزهـا= ومن طاوع العقل يسلم مـن بلاويهـا

والمرجلـه ماتحـب اللـي يهاوزهـا= تبي لهـا واحـد(ن) دايـم يحاضيهـا

واللي عيونـه مـع الظلمـا يغمزهـا= ماحد(ن) درى عن عيونه لـو يعنيهـا

ونفيستـك وانـت فانـي لاتغزغزهـا= المقبـره بأنتظـارك وانـت ناسيـهـا

والنـاس دورات قادرهـا بعاجـزهـا= ماخلـق جنـه ونـار وزعـوا فيهـا

وناس(ن) مع الله وناس ابليس ناغزها= سبحان من ظل ناس ونـاس هاديهـا

ونـاس(ن) تعلـت وعلتهـا مراكزهـا= وناس(ن) تبي الطيب مير الطيب فاحيها

وناس(ن) تحفز ومعروف(ن) تحفزهـا= وناس(ن) تبي من يشيمهـا ويعطيهـا

وناس(ن) تلعوز وتسلم مـن تلعوزهـا= وناس(ن) مع اللعوزه تبطـي لياليهـا

وناس(ن) تبي نبز ناس وناس تنبزهـا= نابـز ومنبـوز ليـن المـوت يفنيهـا

وناس(ن)عجز رزقها يكمـل عوايزهـا= لاهـي فقـارا وهــي مالله مغنيـهـا

حتى العجايز تبـي نـاس(ن) تهمزهـا= العافيـه والظنـا مـاهـو مكفيـهـا

وان قمت اعانـد تفاكيـري وابارزهـا= صارت حجاوي وانـا مانـي محجيهـا

وتسلمون

ومن طاوع النفـس تشقيـه بغرايزهـا= ومن طاوع العقل يسلم مـن بلاويهـا

المصدر : ارجوك بعض المشاعر لاتهزهزها

يسلم راسك وذوقك
على جمال الاختيار وروعته لاهنت

لاهنت على الا ختيار الجميل
يسلم راسك وراس المشاهد يابطل

اخوي
ابو الرجال
لاهنت لاهنت وصح لسان شاعر هالقصيده
الشامله الكامله شكراًشكراً
تحيتي

المشاركة الأصلية كتبت بواسطة ابوحمد

ومن طاوع النفـس تشقيـه بغرايزهـا= ومن طاوع العقل يسلم مـن بلاويهـا

المصدر : ارجوك بعض المشاعر لاتهزهزها

يسلم راسك وذوقك
على جمال الاختيار وروعته لاهنت

ويسلم مرورك ورأسك اخوي ابو حمد
مشكور ومقدر حفظك ربي

المشاركة الأصلية كتبت بواسطة سعد بن هذيل

لاهنت على الا ختيار الجميل


يسلم راسك وراس المشاهد يابطل

اخوي سعد في مرورك نبرة تقدير افتخر بها في مصفحي
لك الشكر والقدر يحفظك ربي

المشاركة الأصلية كتبت بواسطة غازى بن عجاب أبوزوايد

اخوي

ابو الرجال
لاهنت لاهنت وصح لسان شاعر هالقصيده
الشامله الكامله شكراًشكراً

تحيتي

اخوي ابو فيصل مرورك لا ئحة من لوائح الشرف التي نتميز بها ونفتخر بها
دمت ودام مرورك لنا
الف شكر لك

رائع مانقلت
وجميل محتوى هذه الجميله
،،،
شعر وتمكن ..
ليتك تشير الى صاحبها ...
،،،
تستاهل التنسيق
وشكرا ابا الرجال
.....

المشاركة الأصلية كتبت بواسطة خلف الفريد

رائع مانقلت
وجميل محتوى هذه الجميله
،،،
شعر وتمكن ..
ليتك تشير الى صاحبها ...
،،،
تستاهل التنسيق
وشكرا ابا الرجال
.....

اخوي القدير خلف الفريد
لنا من مرورك شرف يعلو بنا في مجال القصيد
الف شكر لك وتقدير