( مشاعر صادقة ومعطرة )

سُــئل الشاعر / أبوعبدالعزيز خلف بن عتاق الفريد عن مشاعره تجاه هذه المناسبه ,
وهي فوز الاستاذ / دحيم بن قاعد بن دهيليس وترشحه في انتخابات أمانة القوارة .
فقال هذه الأبيات :

قال جوّك : قلت خلّ الثرثره=واسمع علومٍ تزلزل زلزله
أنا فخري أوله مثل آخره=وآخره مبني على مجد أوّله
بين غازي والشقيق المفخره=وباقي السبعه .. ونعم السلسله
همهمت خيل وعزاوي وغبره=والثميدي والسيوف مصقّله
وجوخٍ احمر خالطه زود احمره=ومن وقف بالدرب اكلها مفلفله
والمقفّي ,, ماينوشون اظهره=من تعوّد للنحر مايبدله
بين حــدّ الموت والعيش اشعره=شــدِّةٍ وارخاي.. كلّ المسأله
أذكر الماضي واذكـّــر بعبره=( وحاضرٍ من دون ماضي مهزله )
والبحر من غاص به يلقى درره=ومن محاراته يلبّسنا حلله
واسمحوا لي للتعابير اسكره=ويعتري بعض الشواعير اهبله
لكن الليله مباهج وثمره=هيّجتني.. لو قريت البسمله
جيت ابارك للوجيه النيّره=فوز ابن قاعد لنا حبّ اوّوله
ذي مشاعر صادقه ومعطّره=بالتهاني والتحايا المرسله
هذا جوّي واحمد الله واشكره=وافتخر بالتاليه والاوّله

فكانت هذه الأبيات :

إجابة لسؤال السائل .. وتوضيحاً لبعض الدلائل

صح لسان ابو عبد العزيز
عاداته الوفا والظهور في مناسبات القبيله
والف شكر لك ابو عبدالسلام على الاضافه لاهنت

تسلم ع النقل اباعبدالسلام

وصح لسان عظم العرب خلف الفريد

على هالرائعه من روائعه وبيض الله وجهه

ويستاهل دحيم بن دهيليس

كفو .. كفو
صح لسان عندليب المجالس
وسلمت يمينك ابا عبد السلام على النقل الراقي
مع اجمل التهاني للاستاذ دحيم

عندليب المجالس
ما أن ارى إسمه الا ويتبادر الى ذهني
سؤال ماهي المفاجئه القادمه؟؟ لإنه صاحب مفاجئات
قيّمه وثمينه وأكبر دليل هذه القصيده فكفو ابا عبدالعزيز ويستاهل
دحيم ويعطيك العافيه ابا عبدالسلام
تحيتي

صح السان الشاعر القدير خلف الفريد
على الشعور الطيب وانني اجد ابداع في القصيدة وبداع من ابداع هذا الشاعر في الاسلوب الراقي ...
اجمل تحية لك اخي ابو عبد السلام
تقبلو مروري لكما

صح لسانك خلف الفريد شاعر عظيم وشكرا لناقل القصيدة نواف فارع

صح اللسان شاعرنا القدير / ابو عبد العزيز

ولاهو غريب عليه الوفاء والجزاله والتميز


ونبارك للاخ / دحيم


كل الشكر والتقدير للاخ الشاعر المبدع / نواف بن فارع



تحياتي للجميع