ي بشر تكفوا حلو عن سماية

يابشـر تكـفـون حـلّـو عــن سمـايـهمايصيـب الهـرج لـو الهـرج صـوبـي

كـم سكـت لكـم بمـا فيـه الكفـايـةاشتمونـي لـو زعلتـوا واشمتـوا بــي

عيبـونـي واتركـونـي فـــي عـمـايـهواتركـوا لـي واحـدٍ يـرضـى عيـوبـي

اتركـوا لــي واحــدٍ يمـسـح شقـايـهكـل ماحـط الزمـن دوبــه و دوبــي

ذاك والله لا ذكـــرت انـــه ورايــــهأشعـر ان الكـون كلـه وسـط ثوبـي

يكـفـي انــه لــو يسـولـف للمـرايـةكـنّ صوتـه يهمـس لصورتـه ذوبــي

كيـف انـا مـا اذوب مادامـه معـايـهاسمعـه واسهـر معـه لاخـر ذنـوبـي

كـل مـا قـال السهـر درب الغـوايـةقلـت كلـه مـن عيونـك هبّـلـوا بــي

كـل ماقـال الخـطـا مـاهـو خطـايـهقلـت لـه قـل للعيـون السـود توبـي

ضيعـتـنـي واســــأل الله الـهـدايــةوين اجيب العقل اجيبه مـن جيوبـي

مـن يعرفـك مـا يـدل العـقـل رايــهياشـروق العمـر مـدري يـا غـروبـي

أذكـر انـك كنـت لـي مـثـل الهـوايـةلـو تـروح ولـو تجـي يبقـى شحوبـي

بس مدري كيف صـرت اليـوم غايـةصرت اجي واروح مدري عن دروبي

يــا بـعـد عـمـر الكتـابـة والـقـرايـةيـا الشمالـي يـابـو المـلـح الجنـوبـي

لا قـريـت الـلـي كتبـتـه يــا رجـايـهرح وبـلّـغ ربـعــي الـلــي جنـنـوبـي

قـل لهـم يمـكـن يخـلّـون الوشـايـةوان تمادوا خلّهـم مهمهـا حكـوا بـي

انــت خـلـك بــس فـالدنـيـا عـزايـهلا تفكـر فـالـعـواذل وانــت صـوبـي

ادري انّــه كــل درب ولـــه نـهـايـةبـس انـا باقـي معـك لاخـر دروبــي

الشاعر فهد لمساعد


تحيتي
ريموووو

رائعه من روائع فهد المساعد ..

شكراً ع النقل .

شكرا ع المرور

من يعرفك ما يدل العقل رايه
ياشروق العمر مدري يا غروبي

ما اجمل هذا الشاعر
وما اجمل الاختيار
شكراً ريم

تسلم ابوحمد على التواجد
ماننحرم من طلتك

ادري انّه كل درب وله نهاية
بس انا باقي معك لاخر دروبي

رائعة من اختيار رائع
استمتعتُ بقراءتها
مشكورة ريم

مشكووووووره والله يعطيك الف عافيه

ابو الرجال لايزيد الجمال الابمرور اهل الابدع فاهلا بك

تعاااند
اهلا بك يالغلا منورة والله