( العيد والصبابه والهوى )

في البداية : هــــكــــذا , وبين علَّ وعسى , ابـتـدا الـحـب وانـتـهـى . :: :: من هاجس افكار الغلا , مبداك يا قاف الغرام=لحظة تعابير الهوى , باسباب نظرات الحبيب غــروِ على غيره سما , مع اول أسراب الحمام=الزين وانواع الحلا , به اكتمل حظ ونصيب وانا لي أنواع الشقا , غرام والدنيا ظلام=ليه الجفا ! ليه الجفا ! يا من على الخافق رقيب دايم وانا اردد متى , واقول يا الهاجر حرام=حرام هجر اللي قضى , عمره مع العالم غريب يا هاجس ايام الصبا , يا منوة العاشق سلام=خلاص ياوقتِ مضى , طرد المقـفِّي وشْ يجيب كنت الغلا كنت المنى , كنت المشاعر والهيام=واليوم ياظبي الفلا , ذيب الخلا يقنب قنيب مادامت اقدار السما , في علمْ خلاّق الأنام=أنا قضيت من الهوى , واللي ورى الايام غيب :: :: وفي النهاية : تختلط مشاعر الحزن بمشاعر الأفراح . ولكلٍ منهـما أكـثر مـن مبــرر . ولــكــن فرحة رؤيــتـكـم . لها حظ الأسد . :: ::

صح لسان يا أبو عبدالسلام على هذه الدرة الجميلة
التي يشعر الواحد معها بالذوق والفن الشعري العالي
كل الشكر لك ودائماً نسعد بهذا الطرح المتفوق

مـن هاجـس افكـار الغـلا , مبـداك يـا قــاف الـغـرام

لحظـة تعابـيـر الـهـوى , باسـبـاب نـظـرات الحبـيـب

غـروِ علـى غـيـره سـمـا , مــع اول أســراب الحـمـام

الـزيـن وانــواع الـحــلا , بـــه اكـتـمـل حـــظ ونـصـيـب

وانـــــا لـــــي أنـــــواع الـشــقــا , غـــــرام والـدنــيــا ظــــــلام

ليه الجفا ! ليه الجفا ! يا من على الخافق رقيب

دايـــم وانـــا اردد مـتــى , واقـــول يـــا الـهـاجــر حــــرام

حرام هجر اللـي قضـى , عمـره مـع العالـم غريـب

يـا هـاجـس ايــام الصـبـا , يــا مـنـوة العـاشـق ســلام

خلاص ياوقـتِ مضـى , طـرد المقفِّـي وشْ يجيـب

كنـت الغـلا كنـت المنـى , كنـت المشـاعـر والهـيـام

والـيــوم يـاظـبـي الـفــلا , ذيـــب الـخــلا يـقـنـب قـنـيـب

مـادامـت اقـــدار الـسـمـا , فـــي عـلــمْ خـــلاّق الأنـــام

أنـا قضيـت مـن الهـوى , واللـي ورى الايــام غـيـب

بداية هاجوس وأفكار ،،،ونهاية غلا وغرام
نظم بالكلمات نادرا
ومفاهيم بالمعاني هائما
وشاعر له ابداع دائما
صح لسانك ولا تحرمنا ابداعك

الله على هالعيديه أبا عبدالسلام

بس الخلفيه شوي كئيبه لو كانت

منتظر رومنسي كان أحلا

نواف الأبداع رقمه السري معك

قصيده تحمل بصمتك


تقبل أعجابي وتقديري

وعيدك مبارك

نـت الغـلا كنـت المنـى , كنـت المشـاعـر والهـيـام

والـيــوم يـاظـبـي الـفــلا , ذيـــب الـخــلا يـقـنـب قـنـيـب
الشاعر الجزل
والرااااائع دائماً
ابوعبدالسلام
لله درك ولا فض فوك
عيديه جميله جداً
بأنتظار جديدك دائماً
تقبل مروري لاهنت

الله يابو فارع .. الله عليك


صح اللسانك ولاهنت وسلمت ودمت



وااااافيه من راس وااااافي



لاعدمتك

رومنسية نظمت بأبداع لايجيدها إلا نواف فارع
صح لساانك ...

صح الله السانك على القصيدة الرائعه والجميلة
وكل عام وانتم بخير

صح بدنك / أبوعبدالملك .

وكلك ذوق برقي أفكارك .

دمت وسلمت .. وتقبل تقديري .

أبوالرجال / صح بدنك .. ولاحرمن شوفتك .

الابداع بمرور مثلك وشرواك .

وتقبل تحيتي .