غيــــــــــاب ،،آخر

غيـــــــــــــــــــــــ ــاب ،،آخر

ماعاد ينبت قصيد وماتـت اعشـاب=والقلـب ماعـاد تاسعـه المحانـي
يغيب هذا الفضـا وتسكـر ابـواب=والصمت يتبعني بصمـت واعانـي
من غبت عني وكل النـاس غيّـاب=بعـدك ولافيهـم الـي مانسـانـي
بعدك وانا مابقى لي حـي ماغـاب=ولابقى حـرف ينطـق بـه لسانـي
من غبت كل البلـد بعيونـي تـراب=احجار لـو كـان سموهـا مبانـي
من غبت والقلب يركض لك ولاشاب=يضوي لك اقمار واحـلام وامانـي
من علمك تقفل الدنيـا ورى البـاب=ماغير طيفك غرستـه فـي مكانـي
كنك تسمرت واقف بيـن الاهـداب=طيفـك معـي لاتجاهاتـك خذانـي
دورت لك في خبايا ربع واصحـاب=في بحة الناي فـي حـزن الاغانـي
في ضحكة امي وفي همسات الاقراب=في كل حزن الصحـاري والموانـي
طيرت لك من حمايم روحي اسراب=حطـن ولافيهـن الـي مابكـانـي
لك سيرة الغيم والصحرا لك كتـاب=لك سحر يملا الوجود احساس ثانـي
كل المداين لشوفك ترخـي ارقـاب=ودروبهـا كلهـا تبكـي عشـانـي
ياغايب ارجع ..جفوني ربع واحباب=والشعـر مـل الكتابـه والمعـانـي
ماعاد باقي بقلبـي نبـض مـاذاب=لله در انـتـظـارك والـثـوانـي
لله در الغـلا لـو ينبـت اعشـاب=يمديك تعشـب وتزهـر بالمحانـي

وتسلمون

ويسلم راسك ابوالرجال على الاختيار لاهنت

ماشاء الله مشاعر تحاكي الواقع
شاكره لك

المشاركة الأصلية كتبت بواسطة ابوحمد

ويسلم راسك ابوالرجال على الاختيار لاهنت

وتسلم على هذا المرور الف شكر لك

المشاركة الأصلية كتبت بواسطة ريم

ماشاء الله مشاعر تحاكي الواقع
شاكره لك

مشكورة ريم على هذا المرور