فالح واصطنبول ....

اشتقت يافالح لشوفـة اصطنبـولوكل اشتياقي "بالحقيقه" لشوفك

"الطِّيب" ماننساه لو كمّل الحـولوانته جمعت الطِّيب داخل كفوفك

عنـدك مهمـه والتـزام ٍ ومسـؤولوعند المواجب ماتحـدّك ظروفـك

دايم حجاجك مسفهلٍّ علـى طـولغيـر الـوداد الـلـي تكـنـه بجـوفـك

ذكرك بدار التـرك ماهـو بمجهـولزودٍ على الاصحاب تثنـي ضيوفـك

حرٍّ على الطولات ضاري ومجبولوعنـد اللـوازم ثابـتٍ فـي وقوفـك

ومن دون تقليلٍ بربعي هل الطَّولقليـلـةٍ بـيـن الجمـاعـه صـنـوفـك

لكـن يسلينـي ليـا طـق بـي جـولانـي اتابـع (بالمجـالـس) حـروفـك

والله ونعم بالمادح والممدوح
صح لسانك ابوعبدالعزيز وافيه ياوافي
يستاهل ابو محمد المدح شاع ذكره بالطيب والعلم الغانم
بيض الله وجهه ووجهك اسعتنا بها الطله لاعدمناك

صح لسانك يا عندليب المجالس

ونعم بالمادح والممدوح رجال وعلمهم غانم

اما اسطنبول ما هذا وقتها الحين ديارنا مقبلة على الربيع والخيرات

خل اسطنبول السنة الجاية وتراي خوي لك

والله والنعم بفالح بن سدحان
ذكره ماشاء الله عليه ينومس من يسمعه من ربعه
وانت لو مانت وفي مامدحت ولاهو غريب عليك الوفى
صح لسانك ولاعدمناكــ
تحيتي

ابو عبدالعزيز
صح لسانك ولاهنت
والممدوح يستاهل هذه الوافره التي اعطتنا نموذج مصور عن ابن العم فالح السدحان ..

تحيتي

يستاهل ابو محمد

وافي يالفريد

اشتقنا لصولاتك وجولاتك .... وجمال حظورك

الله يقويك

في المقدمة شعرنا الخاص .. أصبح عاماَ ,,,


وفي وسط الكلام .. للإخوة الكرام ..


أتقدم بوافر التحية والاحترام ..


للمادح والممدوح ...

معي علمي أن المادح أتى بهذه الصفات من مشاعره الكريمة .

التي يشهد بكل ماقال : ربعي وعزوتي .

ولكنه صاغها بعادن الذهب .. التي ليس لها إلا خلف الفريد .


صح كلك أباعبدالعزيز .

ودام حضورك وتواجدك .

يستاهل الاستاذ فالح
صح لسانك عندليب المجالس
تقبل وافر التقدير

تتبعت خطواتكم الكريمه
خطوة خطوه
وكلمة كلمة
وحرفا حرفا
،،،
فوجدت المشاعر صادقه
والثقة كبيره
،،،
اشكركم من الاعماق وبعمق تعبير كل منكم ..
،،،
لاعدمتكم

صح لسانك ابو عبدالعزيز

ويستاهل الممدوح هذا المدح فهو اهل له

وهذه عوايدك الطيب والعلم الغانم