لاصار جرحي جريء ودمع عيني خجول

لا صار جرحي جرئ ودمع عيني خجول

ياهيه ياللي قسيت ولا كفاك العذول=كل الاماني بعد ما غبت كومة حطام
اقعد مع الناس وانت اللي بفكري تجول=لو سلموا قلت في بالي عليك السلام
اعاتبك للغياب وتبتسملي تقول=تقوى عتابي واضيّع بعدها للكلام
لك فالحشا موقع ٍ صعب ٍ اليه الوصول=عجز الزعل لا يجيله لو عليه ابترام
لك ابتسامه عجيبه تستميل الزعول=ولك وحشة ما تخليني بروحي وانام
شف كيف لاجاء علي الليل شلت الحمول=الليل مظلم وصدري من غيابك ظلام
لاصار جرحي جريء ودمع عيني خجول=قللي هنا كيف اوازن بينها بالتمام
المشكله كان ما للمشكله من حلول=لاصار قلبي معلق في حبال الغرام
ان طاح ميت واذا يبقى معلق يطول=وقت القلوب الدقيقه تنحسب مثل عام
ارجوك عندي سؤال ما طرحته فضول=اللي تسويه فيني هو حلال اوحرام

ارجوك عندي سؤال ما طرحته فضول

اللي تسويه فيني هو حلال اوحرام



والله يابو الرجال مادري لكن أعتقد والله أعلم
إنه حرام وأعتقد الشاعر مثلي يعتقد إنه حرام بعد
يعطيك العافيه إضافه جميله جداً
تحيتي

الحكم حسب القدروالمكانة
.. شكرا ابو الرجال

صـراحـه صعـب تحكـــم

ابــــو الرجال اللــه يعطيـك العافيه اضافــه اكثـر من رائـــعه

المشاركة الأصلية كتبت بواسطة غازى بن عجاب أبوزوايد

ارجوك عندي سؤال ما طرحته فضول

اللي تسويه فيني هو حلال اوحرام

والله يابو الرجال مادري لكن أعتقد والله أعلم
إنه حرام وأعتقد الشاعر مثلي يعتقد إنه حرام بعد
يعطيك العافيه إضافه جميله جداً

تحيتي

ما أجمل هذا المرور ابو فيصل أحكام وتشريع
واعتقادات وكل هذا ما باليد حيلة
لمن يهوى القصيد واستماعه
الفين شكر لك وتقدير
على هذه الفتوى
مررت اهلا وبالفتوى سهلا
ولك منا جزيل شكرا

المشاركة الأصلية كتبت بواسطة ريم

الحكم حسب القدروالمكانة


.. شكرا ابو الرجال

نعم اختي ريم القدر والمكانه تحكم المشاعر
ونحن نتحكم بتقديرنا وحكمنا
لك الشكر والتقدير على تواجدك ومرورك شرفتي

المشاركة الأصلية كتبت بواسطة عبدالعزيز ابن نومان

صـراحـه صعـب تحكـــم

ابــــو الرجال اللــه يعطيـك العافيه اضافــه اكثـر من رائـــعه

والله يعافيك على مرورك الأروع من رائع
اخوي عبد العزيز
مشكور نورت بطلتك