من أجمل ما قرأت من القصيد الرائع

من أجمل ما قرأت من القصيد

ولكن للأسف لم اعرف قائلها

العمر فرصة والحياة ايام والدنيا ظروف =والمشتبه بالأمر ما بين الحرام من الحلال
الشعر ديوان العرب وأنا بشعري فيلسوف =اترك اهزال الشعر وانقا من معانيه الجلال
البارحه صدر الجنوب يضيق واشوف الحسوف =وين انت يا صدر الشمال احتجت للفزعه تعال
وردت مجاهيم الليال احيام ورياحي شعوف =من يوم وقفني بدرب العشق يسألني سؤال
واقوله بيني وبينه يا عسا الحب مخلوف =ان مارجع ربحه علي والله لا أرده راس مال
كم لي وانا تكويني الدنيا على روس الكتوف =واشيل ما لا اطيق من شانك واحملها الجبال
ومديت لك ريحانة الاشواق في بيض الكفوف =قبل يجف العطر والاشواق تدفنها الرمال
وقفتني في الشارع الضيّق وممنوع الوقوف =مسار واحد والمصيبه لا يمين ولا شمال
تقول طوّفها معي واقول عيت لا تطوف =اجيبها منا تجي منا و لا فيها مجال
والحب ما ينفع معه فزعه ولا واو معطوف =والحب لو زالت جبال الارض ذكره لا يزال
يرقا على رجم الغرام ويصدمه نبض الحروف =اشوي من نسج الغلا واشوي من نسج الخيال
وش عاد لو غنيت طاروقك وصفيت الصفوف =صفٍ يبا ياقف معي وصفٍ اليا من رحت شال
والله لتبطي ما وصلت ادنى مواصيل الهنوف=الجادل اللي دمعها لارحت والاجيت سال
الجادل اللي طيفها عندي ولا كل الطيوف =ام الحلا ام الغلا ام الدلع ام الدلال
اللي هداياها ملت كل الزوايا والرفوف =يطلع بطلتها بدر ويغيب لاغابت هلال
وانا اقدرها مثل تقدير حاتم للضيوف =واطرب على فيّة غلاها كل ما مال الظلال
اعيشها عيشة عمر مابين امن وبين خوف =ازرع لها شعري وهي تسقيه من غيث الوصال
حتى خذتني عشق وانا اخذتها رغم الانوف =واسكنتها روحٍ عن اهروج البشر منفى اعتقال
والا انت قربك ما يشجعني وفرقاك امعروف=اقلط على نزف الشعر والفال يقفاه العقال
حتى لو انت ألذ من تمر المدينه والهفوف =ارحل ترى ايامك خضر لكن ترى اسنينك اهزال

وسلامتكم

بيـــض اللــه وجهــــك ومشكـــور علــى النقــل



لتوضيـــــح:

صاحبها الشاعــر/محمد مريبد العازمــي

نسائم أبيات الغزل تتجاذبها سنوات الفراق وأيامه ..

تعايش الهاجس .. ورقت المشاعر .. مع هذا النص المبدع ..


وسلمت أنامل ناقل هذه الأبيات .. أخي المتميز / أبوالرجال .


تحيتي وتقديري .

المشاركة الأصلية كتبت بواسطة عبدالعزيز ابن نومان

بيـــض اللــه وجهــــك ومشكـــور علــى النقــل



لتوضيـــــح:

صاحبها الشاعــر/محمد مريبد العازمــي

مشكور اخوي عبد العزيز على مرورك المعطر باسم الشاعر
لك تقديري واحترامنا

المشاركة الأصلية كتبت بواسطة نوّاف فارع

نسائم أبيات الغزل تتجاذبها سنوات الفراق وأيامه ..

تعايش الهاجس .. ورقت المشاعر .. مع هذا النص المبدع ..


وسلمت أنامل ناقل هذه الأبيات .. أخي المتميز / أبوالرجال .


تحيتي وتقديري .

لك تحياتنا وتقديراتنا مبدعنا وشاعرنا ودافع تميزنا
مشكور ويعطيك العافية اخي نواف على هذا المرور

ابو الرجال
اخوي لاهنت على النقل المميز تميزكـ
أدخلنا في كل المجالات من شعر الغزل للمواضيع الهادفه
ما أجمل مانقلت ابا الرجال ما أجمل مانقلت
لكــ جزيل التقدير والتحيه

المشاركة الأصلية كتبت بواسطة غازى بن عجاب أبوزوايد

ابو الرجال

اخوي لاهنت على النقل المميز تميزكـ
أدخلنا في كل المجالات من شعر الغزل للمواضيع الهادفه
ما أجمل مانقلت ابا الرجال ما أجمل مانقلت

لكــ جزيل التقدير والتحيه

اخوي القدير ابو فيصل
كم يسعدنا تواجدك في مصفحنا ومرورك واطلاعك على طروحاتنا
وزاد سعادتنا الاشادة في كلامك الذي يدل على طيب ذاتك
الف شكر لك وتقدير واحترام وتوقير

تعودنا اجمل الاختيارات
في متصفحك ابو الرجال
تقبل مروري لاهنت

المشاركة الأصلية كتبت بواسطة ابوحمد

تعودنا اجمل الاختيارات
في متصفحك ابو الرجال
تقبل مروري لاهنت

كما عودتنا على أرقى المرور منك ابو حمد
نورت متصفحي وشرفت