الله يسامح غلاك ويلعن الحاجه..ابن فطيس

الله يسامـح غـلاك ويلعـن الحاجـه

غيبتك لو هـي دقيقـه تعتبـر صـدّه=الوقت دونك سجـن وغيابـك اسياجـه
لا تعتذر لي تـرى ماعـاد فـي شـدّه=اعيد حكي ٍ يكـود الصـدر مخراجـه
دامـه يوصـف بجـود ابيـك وبجـدّه=وشلون تبخل على المجروح بعلاجـه؟
ووشلون قـاوااك قلبـك رده وصـدّه=مع انه بيّن عليـه الضعـف والحاجـه
ياقـو قلـبـك بــرد ايميـنـك وردّه=بخلت بمصافحـه وارهيـت بحراجـه
لو ماسقى غيم عينـه جرهـدي خـدّه=تـراه يبكـي وقلبـه يلحـق اخلاجـه
ولو شفته يمازحـك تـراه مـن جـدّه=الضحك عن درب ضيق الصدر ماعاجه
غير الغلا والولـه عليـك وش حـدّه=يـادرب ليلـه ويامسـراه وسـراجـه
كنّه يعرفـك قبـل يلقـاك مـن مـدّه=مـع ان مابينـك ومـا بينـه امواجـه
هـواك بـدو ٍ نـووا للقلـب بالشـدّه=ورياض قلبي لشوف البـدو محتاجـه
والوصل..بحر ٍ متى انت بتسمح ابمـدّه=السيف صبري وبحرك شـح بامواجـه
قصيـدي اللـي قريتـه واللـي اعـدّه=قديـم لا يزعلـك معنـاه واخـراجـه
وفراغ قلبي غلاك ارهى علـى سـدّه=ليتك تشوف الغـلا وابراجـه وعاجـه
اقوى ريـاح العـذل مـا تقـدر تهـدّ=الا الجفا لـو تنفـس هـدم ابراجـه
تغانـم الوصـل لـن البعـد لابــدّه=ياتيك في يـوم ثـم ياخـذك بادراجـه
اللي لـي انـك تليـن وتتـرك الشـدّه=واللي لك اني ما سولف بـك لهراجـه
ولاني بزعلان واللـي نرتجـي مـدّه=يا بـاب قلبـي ويـا قفلـه ومزلاجـه
زعلة تغلي ومـن تزعلـه مـن قـدّه=ما دام كـل ٍ يبـي دربـك ومنهاجـه
غالي وتبخـل علـي وتطّـول الصـدّه=الله يسامـح غـلاك ويلعـن الحاجـه

صح لسان الشاعر
وسلم الناقل اختيار جميل جداً

رائعه تسلم عبدالعزير ع النقل

حيــاك اللـه ابو حمـد انت من النــاس اللـي يشرفنـي انهـم يضعـون لهم بصمـه فـي منقـولي الـف شـكر لك

شكـــــــــــــــــــــــ ــــــــــــرا

اضافة رائعة تسلم اخينا عبد العزيز ويسلم ذووقك

مبدع في نقلك واختياراتك ..


أخي المتميز / عبدالعزيز ابن نومان .


صح لسان ابن فطيس ..


وتقبل تحياتي .