الملك عبد العزيز ومقالبه بنافع الفضليه

ايها الاخوه معروف عن الامام عبدالعزيز بن عبدالرحمن آلسعود
الحزم والصرامه آلآ إن هناك جانب قليل من يعرفه وهو روح النكته
وبالذات مع خاصيته ولإنه يعز الشيخ نافع بن فضليه العلوي الحربي
دائماً مايعمل به المقالب ففي مره وكان بالمقناص طلب من مسؤل الطيور
( الصقور ) طير عزيز عند الملك والكل يعرف معزة الطير هذا من بد
الطيور ويوم جابه الصقار قال يانافع خذ الطير وإقنصبه وهو يعلم إن نافع
مايعرف للطيور ولاعمره صقرولايعرف المقانيص فقال نافع يالإمام أنا
ما أفهم القنص وبالذات بالطيور هنا وجد الملك فرصته قال لكبير الخوياء
ودو نافع لنصار ( نصار الطباخ وله سياره خاصه به مع العزبه ولوازمها)
وقولو لنصار يحط نافع بالصندوق مع القدور لايركبه بالغماره وإتضح لنافع
الامر جد لإن الملك قالها غاضباً وبادياً على محياه الإنفعال هنا أجاب نافع
بها الابيات الارتجاليه :-

ياشيخ ياللي من صواريم سنجار=عـساك تـبطـي مـاتـطب الـقبوري
عساك ماتعرض على واهج النار =الله يـجيـرك مـن جـميـع الـعثوري
تقول : وده ياولد يـم " نصـار" =عقب الجنيبه صرت بين القدوري
لانيب صقار"ن" ولابـوي صقـار =ولانـي مـن الـلي ينقلون الطيوري
حنا صقارتنا على جيش ومهـار =الــلي مــواقــفنــا تــسد الــنحـوري

أنا رفيقك يوم نصف العرب بـار =ولانـي مـن الـلي بالمعزب يبوري

هنا ضحك الامام وقال كفو والنعم فيك وبربعك أمر له بعطيه جزله

ارجو ان تنال إعجابكم ورضاكم