قصيدة (قلباً غداء مثل العصى والمهفه)

مساء الخير
سوف اعرض لكم قصيدة للشاعر (ابو طلال) عايد ضواي الحماد الفريدي

عزاه ياقلبا همومه تلفه=لف الهبوب اللي تلف الذواري
مايستريح وصاير فيه خفه= قامت تبيع وتشتريه الطواري
طوارين تاتيه من كل ضفه= تلفي ليا غاب القمر بالغداري
قلبا غداء مثل العصى والمهفه= تلعب به الدنيا يمين ويساري
والعين ما تاخذ من النوم غفه= وجسمي من التفكير والهم باري
يالله يا من تعطي العبد شفه= يارازق الداب العمى بالبراري
تجبر عزاء من صك كفه بكفه= ماله عوين ولا حد فيه داري

وسلامتكم ......

صح لسان الشاعر
عايد بن ضواي الفريدي
ولاهنت اخوي على الاضافه الرائعه
تحيتي

صح لسان الشاعر عايد ضواي على القصيده
ولاهنت اخوي على الايراد

صح لسان الشاعر
عايد بن ضواي الفريدي على هذا الابتهال

واختيار مبدع من فارس الخيال ,

دمت وسلمت على حسن النقل والاختيار .

صح لسان الشاعر وعلاء شانك وارتفع مقدارك على اتحافنا بهذه الرائعة

ونتمنى أن نرى جميع قصائد الشاعر في المجالس

شكرا فارس الخيال
صح لسان الشاعر عايد بن ضواي على هذا الابداع الراقي
تقبل وافر التقدير