عديت الشاعر صحن بن قويعان

(عديت)

عديت في رجمٍ طويـلٍ يبايـن=أخيل نشر مبعديـن المراحيـل
أخيلهـم ليـن اتقـن الظعايـن=يتلون جرة ذاكر العشب والسيل
أقفم وعيني في سنعهـم تعايـن=ينحون واثنات الجمال المحاميل
اشوف من تالي دبشهم عوايـن=من بعدها تزمى سوات السماليل
ماهمهم شف القلـوب الحزايـن=يتلون شف مراوزات المخاليـل
أسقيتني كاس الطنـا والغبايـن=وانته تواعد بالليالـي المقايبـل
ليا قمت تضحك بالثمان الرزاين=حطيت لك بفلوج قلبي مداخيـل
أودعت مني قاسي القلب لايـن=وحمست كبدي حمس بن المعاميل
الكون كونك ياعطيب الكوايـن=والأمر للي يولج الصبح بالليـل
أرقابنا حـدر المـوده رهايـن=وأعتاقها بيدين من يعتق الميـل

صح لسان شاعرها
وسلم ناقلها الذي ابدع في الاختيار
لاهنت اخوي ذعذاع الشمال

صح لسان شاعرها
وسلم ناقلها الذي ابدع في الاختيار
لاهنت اخوي ذعذاع الشمال
تحيتي

الكون كونك ياعطيب الكوايـن
والأمر للي يولج الصبح بالليـل


أرقابنا حـدر المـوده رهايـن
وأعتاقها بيدين من يعتق الميـل

المصدر : عديت الشاعر صحن بن قويعان


اختيار موفق
مشكور يعطيك العافية

جزاك الله خير الجزاء

لاهنت على النقل

الجزل

تحيتي لك

هلا وغلا فيك ابو عبدالاله