عشت ياوقت المطايا قبل ميراد الفرورت

الفرص ماتنتفوت كان جتلك لاتفوت=اغتنم فرصة حياتك قبل ميعاد الممات
ماعلى الدنيا مخلد كل من فيها يموت=طاعة الله مع رسوله هي ثمر كل الحيات
خلها ملبوس نفسك خلها مركب وقوت=تنفعك ساعة وقوفك قدم رب الكاينات
كان فات الفوت قالوا مايفيد تجر صوت=قبل اجل ينبح صوتك بالندم اخذ الوصات
لايضيع العمر كله فى المقاهي والبلوت=عمرك اغلى ماملكته وش تفيد الملهيات
العمر شجره ورقها لاذبل صار محتوت=لو سقيته ماتناما لو نماء كل النبات
ماعلى الدنيا مقام ولاعلى الدنيا ثبوت=ننزل ونرحل وينزل غيرنا خلقٍ شتات
نبني بيوت ونموت وغيرنا يرث البيوت=وان رحل جاء من ورثها هكذا خذها وهات
نوت ماتنفع عقاب ولايفيد عقاب نوت=والغني لو فاض ماله ماتنجيه الغنات
كان ما أنفق من حلاله في شحيحات الوقوت=واستغل المال فى اللي ينفعه عقب الوفات
ارج ربك وابتهله لادعيته فى القنوت=يرزقك طيب الختام ويرزقك حسن الثبات
فالاصل دنياك هاذي مثل عش العنكبوت=مايدوم الها قرار ولايدوم الها ثبات
البنادم دام ما احفى لاجل مولاه السبوت=والله انه والله انه ماعلى عمره طرات
المراجل ماتهيا بالمراكب والبخوت=ولاتهيا بالمناصب والبني المترفات
الرخوم رخوم حتى لو تباهوا بالبشوت=والرجال رجال حتى لو مشوا فقراء حفات
المراجل شبه دره فى البحر في بطن حوت=مايجيها كود رجلٍ ماحسب للكايدات
لو حمى حر الهجير يدوس حره دون بوت=ماحسب حر الهجير ولاعطاه الالتفات
وان طراء للبرد طاري ماحتسى للبرد كوت=زمهرير البرد دونه ماتلحف بالعبات
خير من بعض الكلام اوقات ميلك للسكوت=والكلام اوقات خيرٍ لك من اظهار السكات
كلمةٍ تنفعك قلها ماعليك من الشموت=والكلام اللي يعيبك لاتكلم به بتات
لاتكون بكل وضع وحال رجالٍ صموت=وان هرجت يكون هرجك مايلحقك الشمات
شوت هرجٍ مايفيدك بالقدم لاجاك شوت=لاتسمع له لو أنه جاك من كل الجهات
عشت ياوقت المطايا قبل ميراد الفروت=والله إنا نفتخربك لو سنينك قاسيات
فيك تجمعنا المحبه والحسد ماله نعوت=كل كلمه من رفيقك احلى من نهر الفرات
بس صار اليوم هرجه ياصلك هرج معفوت=يمكن لحضرة جنابك يهرج بسبع اللغات
شجرة الحنظل ثمرها مايجي خوخٍ وتوت=وكل شجرة توت ماتثمر طلع حنظل وقات
عش عزيز النفس حتى لو تهاجر للخبوت=لاتذل النفس مهما تعتريك النايبات
لو بجيبك ماتحصل غير كوم اوراق نوت=عزة النفس وكرمها ماتقدر بالميات

الشاعر
مشعل شباب الشيباني

درر رائعه ونصائح غالية
يسلم ذوقك ابو حمد

شجرة الحنظل ثمرها مايجي خوخٍ وتـوت
وكل شجرة توت ماتثمر طلع حنظل وقـات
عش عزيز النفس حتى لو تهاجر للخبـوت
لاتـذل النفـس مهمـا تعتريـك النايبـات



صح لسان الشاعر مشعل شباب الشيباني
ولاهنت ابو حمد على الاضافه الجزله الرائعه الجميله
تحيتي

صح لسان الشاعر مشعل شباب الشيباني واشكرك على الأضافة الرائعه اللي تعودنا ان نراها في مشاركاتك

ريم
كل الشكر
على هذا المرور الرائع

ابوفيصل
مرور رائع وشهاده
اعتز بها كثيراً لاهنت

ابوعبدالرحمن
اشكرك على هذا المرور العطر لاهنت

لاتــكـــون بـــكـــل وضــــــع وحــــــال رجــــــالٍ صـــمـــوت
وان هـرجــت يــكــون هــرجــك مايـلـحـقـك الـشـمــات


شـــــوت هـــــرجٍ مـايـفــيــدك بــالــقــدم لاجــــــاك شــــــوت
لاتـسـمــع لــــه لــــو أنــــه جــــاك مــــن كــــل الـجــهــات


عــشـــت يـــاوقـــت الـمـطــايــا قـــبـــل مـــيـــراد الـــفـــروت
والله إنــــــــــــا نــفــتــخـــربـــك لــــــــــــو ســـنـــيـــنـــك قــــاســــيــــات


فـــيـــك تـجـمـعـنــا الـمـحــبــه والــحــســد مـــالـــه نـــعــــوت
كــل كلـمـه مــن رفـيـقـك احـلــى مـــن نـهــر الـفــرات

لله درك ابا حمد على روعة الاختيار
تبقى دائما بطرحك جزل
الف شكر لك
امتعتنا بقرائتها

اشكرك ابو الرجال
وشهاده اعتز بها لاهنت

صح لسان الشاعر ومشكورابوحمدعلى الاضافه