سَـمّ اللقا صِدفة , وأسـمّيـﮧْ مِيعاد

الشوق مالـه عمـر , يفنـى وينعـاد=له في الضلوع أن عاد وأن غاب رجفه
مع كل فرقا , له ورى الجفـن ميـلاد=وأن ماتت الفرقا لقـى الشـوق حتفـه
جيت أقتل الفرقـا مـن بـلاد لـبـلاد=مـلّ الطريـق يشيلنـي فـوق كتفـه
وأنا بعد مليت مـن كثـر مـا أرتـاد=هالشارع اللي كان لـك فيـه شرفـه
تظمأ عيوني شوفك , وتشبـع سهـاد=عيّا الزمن يقطـع ظماهـا بـرشفـه
لاوجهـك أسقاهـا , ولا ذاقـت رقـاد=ماغير طيفـك , طيفـك اللـي أعرفـه
كنّه ظبـي , وعيونـي ظـلال صيـاد=يجفـل قبـل يرتـد للجفـن طـرفـه
مشكلته أنه كـل مـا أشتقـت يـزداد=حتـى مـلا جـدران وقتـي وسقفـه
وأصبحت أشوفه فـأول الغيـم لاجـاد=وفـأقصى الشفق لاطاحت الشمس خلفه
وفي الأرض لانامت عقب صوت رعـاد=وفي كل شباك ٍ صحـت منـه درفـه
أتعبت طيفـك لـوم , واللـوم مافـاد=ويوم الأمل في شوفتـك مـات نصفـه
نويت أسافـر عنـك بجـروح ٍ جـداد=وعمر ٍ من أوراق الزمن حان قطفـه
نويت , لكـن جابنـي الشـوق منقـاد=وجابك حنينك , والزمن سـال عطفـه
شفتك تبسّم لـي خجـل مـدري عنـاد=وفي نظرتك شوق ٍ من الظلم وصفـه
حسيت كني طفـل , وعيونـك أعيـاد=ياعيدي اللي لـه ورى الصـدر رجفـه
سمّ اللقـا صدفـة , وأسمّيـه ميعـاد=أنا أنتظرتـك , وأنـت مريـت صدفـه

مع كل فرقا , لَـﮧ وُرى الجفن مِـيلاد
........................ وأن ماتت الفرقا لقىَ الشوُق حتفـﮧً



جيتَ أقتل الفرقا من بَلاد لــ بلاد
........................ ملّ الطريق يشيلني فوُق كتفـﮧْ


الله الله
ابو الرجال على هذا الاختيار
صح لسان شاعرها وسلم ناقلها لاهنت

المشاركة الأصلية كتبت بواسطة ابوحمد

مع كل فرقا , لَـﮧ وُرى الجفن مِـيلاد
........................ وأن ماتت الفرقا لقىَ الشوُق حتفـﮧً



جيتَ أقتل الفرقا من بَلاد لــ بلاد
........................ ملّ الطريق يشيلني فوُق كتفـﮧْ


الله الله
ابو الرجال على هذا الاختيار
صح لسان شاعرها وسلم ناقلها لاهنت

تسلم ابو حمد ويسلم لمصفحي هذا المرور الرائع
مشكور

سَـمّ اللقا صِدفة , وأسـمّيـﮧْ مِيعاد
........................ أنا أنتظرتكْ , وُأنت مَريّت صِدفَــﮧْ

ابو الرجال
يعطيك العافيه على الاضافه الجميله الرائعه
تحيتي

تسلم ويسلم يمناااااااااك على الاضافة

أشكر لكما مروركما
اخوي القدير غازي
والأخ ابن مطيع
لكما تقديرنا واحترامنا الجزيل