يالله ياحـامـل مفاتـيـح الارزاق = المعتني فـي رزق نفـس خلقهـا

11-09-11, 01:47 PM

يالله ياحـامـل مفاتـيـح الارزاق = المعتني فـي رزق نفـسٍ خلقهـا
عن الخفايا ما علـى عينـك رواق = وإذنك عن الاسرار ماهـي بصقهـا
تجعل لنفسي من غضب وجهك إعتاق = وبيديـك علـق الامـور ووفقـهـا
وأغسل قلوب أهل التباغض والاشقاق = وهـون مكاربها وريـح شفقهـا
سبَة مروجـة النمايـم بالاسـواق = اللي ما يملى الناس غيض شلقهـا
خيل النزاهة ما ورا الغايب سبـاق = وإن قابلـه فهـو عليهـا صفقهـا
وقام يتمذلق قدام وجهـك تمـذلاق = واليا نشدت في جنب غيره لصقهـا
مطيتـه مطـلاع تحـدى وتنسـاق = وتركب عرو وان شد حمله وثقهـا
ومعمر روض التسالي لـه ارفـاق = ترفـع كباريهـا ويحفـر نفقـهـا
سبّايـة الغـرات قطّاعـة السـاق = أعراض خلق الله ليا غابت هتقهـا
وعشّيق للروضة و مغـرم ومشتـاق = بئس العشيق وبئس باللي عشقهـا
مايلتهم لا التفـت السـاق بالسـاق = وتقـسـمت الارزاق والله فـرقـهـا
احـد يقـدم لـه حميـمً وغسـاق = واحد بروضـة سلسبيـل وغدقهـا
ما قالـه القايـل للابواب طقـاق = لا صكت ابواب العرب مـا طرقهـا
منقـاد للعالـم مقانيـص وسبـاق = ثـارت شوازنهـا وهـدت سلقهـا
أهديت باقة ورد من ضمن الابـواق = ولا أقول لحد خذها ولا أقـول ذقهـا
خلقتت الاراضي والسموات بطباق=وتسعى الأوادم بطبقتٍ من طبقها
الآدمي لـولا المكـارم والأخـلاق = كالحنظلة من عرقهـا ليـا ورقهـا