شــــروط الــــــــــود

ياعود ياريان ياضامي القد = ياموحش العينين نظرات وأهداب
وش قد مخزون الوفاء فيك وش قد = أخاف من شوف الحبل وأذكر الداب
إن كان منها والمحبه ولابد = وف الشروط التاليه واحسب حساب
ماهو تكبر لا وربي على حد = بس الشروط أنوار ماتنتج عتاب
عطني صدوق الود وأخذ الوفاء رد = ولاتجدد بالجفا جرح ماطاب
وإن شفتني مغليك حذراك والصد = ترى التغلي درب تشتيت الاحباب
ولايغرك من يقول أثقل وشد = ترى أكثر الفرقاء من أشوار الاصحاب
وفاى دايم دام حبك معي جد = وألبسك من صادق الود جلباب
ماني بمن حبه نزل يوم ثم شد = عقيم كان الوصل له ساس وأطناب
قلبي لمن حبه سناء برق وأشد = وللخاين اللي خان به خافق غراب
هاذي شروط الحب ياصافي الخد = وافقت والا خذ معك قبضه الباب

محمد بن فطيس

ما أروع الأبيات وما أروع ذوقك اخوي مشتاق
مشكور يعطيك العافية

شكراً
على الاضافه الجميله لاهنت

ذائقة جميلة تسلم المشتاق

اشكركم على توجدكم المضيء