اْخـر زمن حـطّم عـروش وسـلاطين

ياشرهتي قدرك على الراس والعين=لـك مـنـزلٍ بـــيـن الـقـمـر والــثـرياّ
طالبك عـودي لي وحذرا تروحــين=خــلـيـك حـول الـذات عــندي هـنـيّا
الصبر مـفـتاح الفـرج كـان تدرين=مثل السحاب اليا انـقـرت له اسـقـيّا
هــمّال وبـله بـــين لـبّه وعــرقـين=من شــاف برقه فـيه رحّـب وحـيّا
نبي انتخــاوا زيـن بالعــسر واللّين=هــيّا مــعي نرقا على الـرجــم هــيّا
يمكن علـيّه بعض الاوقات تخطين=ادمــح لـك الـزللّات مادمــت حــيّا
ماهــو اكــيد اجــيب لك ماتمـنّيــن=كـــم واحــدٍ له مـطـلـبٍ مــاتـهـــيّا
دور المـصالح فـوق كــل القـوانين=مــعـاد بــه فـــزعـه ولابـه احــمـيّا
شـعر النبط غثه اخــتوش وبـزارين=حــطــوه تال الـوقــت لعـبة اعـمـيّا
شعر الحداثه ضيّق الصدر ياحسين=والــيا عــذلـته هــز راســه و عـــيّا
هــذا زمان العــولــمه والـمـلايــين=مـدري عـلام الـوقـت طــبعه كــذيّا
والمال حـط الهيــس قـدم الــميامـيـن =ون قــال هــرجـه صـفّــقـولــه بــلــيّا
والـقـل حـط الملـتزم بيــن قـــوســيـن=يـاقــوم يابـن افــــلان قــدره اشــــويّا
لوهـو كـريم ويدبل الصاع صاعــين=والـــيا طــلــبــتـه فـــزعـته مــاتــريّا
اْخـر زمن حـطّم عـروش وسـلاطين=مــاكــن واحــدهــم بــقــصره تـفــيّا
عـقـب الغـناه وعـقـب ملـك البسـاتـين=اصــبــح وكـــفّـه خــاليـه دون شــيّا
ومـن قـدّم الدنـيا عـلى نصرة الـديـن=خــاب وخــســرهـا مابــقى له ابـقـيـا

الشاعر مساعد الجليدي

صح لسان الجليدي مساعد

ابو حمد ذوقك رفيع كرفت مقامك العالي

سجل مروري وأعجابي

ابوعمر
مرور راائع
واعجاب افتخر به من شاعر
بقامة علي محمد الجضعان لاعدمتك

ومـن قـدّم الدنـيا عـلى نصرة الـديـن

خــاب وخــســرهـا مابــقى له ابـقـيـا

تسلم يمناك
ذائقة رائعة
صح لسان الشاعر
يعطيك العافية ابو حمد

يسلم راسك
ابو الرجال على هذا المرور لاهنت

لاهنت ابو حمد
على الاختيار الرائع صح لسان مساعد الجليدي
وأشكرك ابو حمد على مانقلت ونشرت
تحيتي

صح الله السان الشاعر
وتسلم يمناااااااااااااااااااااا ااااااك على النقل والجزل والرائع يا ابو حمد

ابو فيصل
كل الشكر والتقدير على هذا المرور لاهنت

يسلم راسك وذوقك ابن مطيع
على هذا المرور لاهنت